சமூக வலைத்தளத்தில் வெளியான ஒரு வீடியோவில் 5 வயது சிறுவன் லேண்ட் க்ரூசர் காரை அசால்ட்டாக ஓட்டுகிறான். இந்த வீடியோ பாகிஸ்தானின் இஸ்லாமாபாத் முல்தான் பகுதியில் எடுக்கப்பட்டு இருக்கிறது. மேலும் இந்த வீடியோ வெளியானதை அடுத்து பாகிஸ்தான் போலீசார் அந்த சிறுவனின் பெற்றோரை தீவிரமாகத் தேடி வருகின்றனர். காரணம் அந்தச் சிறுவனுக்கு கால் கூட எட்டாமல் நின்று கொண்டே அந்தக் காரை இயக்குவது வீடியோவில் தெரிகிறது.

மேலும் அந்த கார் ஒரு பொது போக்குவரத்துச் சாலையில் இயக்கப்பட்டு இருக்கிறது. மேலும் சிறுவன் காரை இயக்கும்போது பாதுகாப்புக்கு யாரும் இல்லாமல் இயக்குகிறான். இதனால் அந்தக் கார் எண்களை வைத்து சிறுவனின் பெற்றோரை தேடி வருவதாகப் பாகிஸ்தான் போலீசார் தெரிவித்து உள்ளனர்.

சாலையில் சென்று கொண்டிருந்த சிலர் 5 வயது சிறுவனின் அசத்தலான காரியத்தைப் பார்த்து அதை வீடியோவாக பதிவு செய்து உள்ளனர். இந்த வீடியோ சமூக வலைத்தளத்தில் வைரலாகி இருந்தாலும் பொது போக்குவரத்து சாலையில் பாதுகாப்பு இல்லாமல் இருந்ததை அறிந்து போலீசார் நடவடிக்கை எடுத்து வருவதாகக் கூறப்படுகிறது.