தமிழகத்தில் கடந்த இரண்டு நாட்களாக ஆங்காங்கே மழை பெய்து கொண்டிருந்த நிலையில் நேற்று இரவு சென்னை உள்பட தமிழகத்தின் பல பகுதிகளில் கனமழை முதல் மிதமான மழை பெய்து வருகிறது.

குறிப்பாக சென்னையில் கிண்டி, ஈக்காட்டுத்தாங்கல், நுங்கம்பாக்கம் தேனாம்பேட்டை, சைதாப்பேட்டை, அண்ணாசாலை உள்பட பல பகுதிகளில் கன மழை பெய்து வந்ததால் சாலைகளில் மழைநீர் தேங்கி உள்ளது. இதனால் வாகன ஓட்டிகள் சிரமத்துடன் வாகனத்தை இயக்கி வருகின்றனர்.

இந்த நிலையில் கனமழை காரணமாக காஞ்சிபுரம், செங்கல்பட்டு, வேலூர் ஆகிய மாவட்டங்களில் உள்ள பள்ளிகளுக்கு விடுமுறை என அந்தந்த மாவட்ட ஆட்சித் தலைவர்கள் அறிவித்துள்ளனர். அதேபோல் இன்று புதிதாக உதயமாகி உள்ள ராணிப்பேட்டை மற்றும் திருப்பூர் மாவட்டங்களில் விடுமுறை என அறிவிக்கப்பட்டுள்ளது.

மேலும் கனமழை காரணமாக சென்னை பல்கலைக்கழகத்தில் கீழ் செயல்படும் கல்லூரிகளின் இன்றைய தேர்வுகள் ஒத்திவைக்கப்பட்டுள்ளதாக கல்லூரி துணைவேந்தர் துரைசாமி அவர்கள் அறிவித்துள்ளார். இந்த தேர்வு தேதி குறித்த அறிவிப்பு பின்னர் அறிவிக்கப்படும் என்றும் அவர் தெரிவித்துள்ளார்.