4வது முறையாக ரஜினி படம் செய்த சாதனை
- IndiaGlitz, [Wednesday,January 16 2019]
சூப்பர் ஸ்டார் ரஜினிகாந்த் நடித்த 'பேட்ட' திரைப்படம் கடந்த 10ஆம் தேதி வெளியான நிலையில் உலகம் முழுவதும் இந்த படத்தின் வசூல் அபாரமாக இருந்து வருவதால் விநியோகிஸ்தர்கள் பெரும் உற்சாகத்தில் உள்ளனர்.
இந்த நிலையில் ரஜினியின் 'பேட்ட' திரைப்படத்தின் வசூல் உலகம் முழுவதும் ஏற்கனவே ரூ.100 கோடியை தாண்டிவிட்ட நிலையில் தற்போது அமெரிக்காவில் மட்டுமெ கடந்த 6 நாட்களில் இரண்டு மில்லியன் டாலர் வசூல் செய்துள்ளது. ஏற்கனவே 'எந்திரன்', 'கபாலி', '2.0' ஆகிய திரைப்படங்கள் அமெரிக்காவில் இரண்டு மில்லியன் டாலர் வசூல் செய்துள்ள நிலையில் தற்போது அவர் நடித்த நான்காவது படமும் அதே சாதனையை செய்துள்ளது.
இதுவரை எந்த ஒரு தமிழ் நடிகரின் படமும் ஒருமுறை கூட இரண்டு மில்லியன் டாலர் அமெரிக்காவில் வசூல் செய்யாத நிலையில் ரஜினியின் அடுத்தடுத்த நான்கு படங்கள் இரண்டு மில்லியன் டாலர் வசூல் செய்துள்ளது அவர் இன்னும் வசூலிலும் சூப்பர் ஸ்டார் தான் என்பதை நிரூபித்துள்ளதாகவே கருதப்படுகிறது.