தமிழகத்தில் 10 ஆயிரத்தை தாண்டிய கொரோனா பாதிப்பு: அதிர்ச்சி தகவல்
- IndiaGlitz, [Friday,May 15 2020]
தமிழகத்தில் கடந்த இரண்டு நாட்களாக கொரோனா பாதிப்பு குறைந்து வரும் நிலையில் இன்று கொரோனாவால் பாதிக்கப்பட்டவர்களின் எண்ணிக்கை 434 என சற்றுமுன் தமிழக சுகாதாரத்துறை அறிவித்துள்ளது. இதனையடுத்து தமிழகத்தில் கொரோனாவால் பாதிக்கப்பட்டவர்களின் மொத்த எண்ணிக்கை 10,018 ஆகும். முதல்முறையாக தமிழகத்தில் கொரோனாவால் பாதிக்கப்பட்டவர்களின் எண்ணிக்கை 10ஆயிரத்தை தாண்டியுள்ளதால் அதிர்ச்சி ஏற்பட்டுள்ளது
இன்று தமிழகத்தில் கொரோனாவால் பாதிக்கப்பட்ட 434 பேர்களில் சென்னையில் மட்டும் கொரோனாவால் பாதிக்கப்பட்டவர்களின் எண்ணிக்கை 309 என்பது குறிப்பிடத்தக்கது. இதனையடுத்து சென்னையில் கொரோனாவால் பாதிக்கப்பட்டவர்களின் மொத்த எண்ணிக்கை 5946 ஆகும்.
மேலும் இன்று கொரோனாவில் இருந்து 359 பேர்கள் குணமாகியுள்ளதால் தமிழகத்தில் மொத்தம் 2599 பேர் கொரோனாவில் இருந்து மீண்டுள்ள்னர். அதேபோல் இன்று மட்டும் தமிழகத்தில் 10,883 பேர்களுக்கு கொரோனா பரிசோதனை செய்யப்பட்டுள்ளதாகவும் இதனையடுத்து தமிழகத்தில் மொத்தம் 290,906 பேர்களுக்கு கொரோனா பரிசோதனை செய்யப்பட்டுள்ளதாகவு சுகாதாரத்துறை தெரிவித்துள்ளது.
மேலும் இன்று தமிழகத்தில் கொரோனாவால் 5 பேர் பலியாகியுள்ளதால் தமிழகத்தின் மொத்த பலி எண்ணிக்கை 71ஆக உயர்ந்துள்ளது என்பது குறிப்பிடத்தக்கது