தமிழகத்தில் கொரோனாவால் பாதிக்கப்பட்டவர்களின் எண்ணிக்கை தினந்தோறும் 1000க்கும் மேல் இருந்தாலும் மற்ற மாநிலங்களை ஒப்பிடும்போது உயிரிழப்புகள் குறைவாக இருந்தது ஒரு ஆறுதலாக இருந்தது. ஆனால் நேற்று முதல் உயிரிழப்புகளும் அதிகரித்துள்ளது பெரும் அதிர்ச்சியை ஏற்படுத்தியுள்ளது.

தமிழகத்தில் இதுவரை இல்லாத வகையில் இன்று ஒரே நாளில் கொரோனாவால் 38 பேர் உயிரிழந்துள்ளனர் என்பதுதான் மிகவும் அதிர்ச்சிக்குரிய செய்தி ஆகும். இதனையடுத்து தமிழகத்தில் கொரோனாவால் இதுவரை 435 பேர்கள் உயிரிழந்துள்ளனர் என்பது குறிப்பிடத்தக்கது.

தமிழகத்தில் இன்று 1974 பேருக்கு கொரோனா வைரஸ் தொற்று என்றும், இதனால் தமிழகத்தில் கொரோனா தொற்றால் பாதிக்கப்பட்டவர்களின் எண்ணிக்கை 44661 ஆக உயர்வு என்றும் தமிழக சுகாதாரத்துறை தெரிவித்துள்ளது. மேலும் சென்னையில் இன்று கொரோனா தொற்றால் 1415 பேர் பாதிப்பு என்றும், சென்னையில் கொரோனாவால் பாதிக்கப்பட்டவர்களின் எண்ணிக்கை 31896 ஆக உயர்வு என்றும் சுகாதாரத்துறை அறிவித்துள்ளது.

மேலும் தமிழகத்தில் இன்று ஒரே நாளில் கொரோனாவில் இருந்து 1138 பேர் குணம் அடைந்தனர் என்றும் அறிவிக்கப்பட்டுள்ளது.