టీవీ పరిశ్రమలోని ఆ 33 మంది కరోనా ఫలితం వచ్చేసింది..
- IndiaGlitz, [Saturday,June 27 2020]
లాక్‌డౌన్ అనంతరం ఇటీవలే షూటింగ్‌లకు సిద్ధమైన టీవీ పరిశ్రమకు నటుడు ప్రభాకర్‌కు కరోనా పాజిటివ్ అని తేలడంతో షాక్ తగిలనట్టైంది. ఆదిలోనే అవరోధాలు ఎదురవడంతో బెంబేలెత్తిపోయింది. షూటింగ్‌కి ప్యాకప్ చెప్పి క్యాస్ట్ అండ్ క్రూకి సంబంధించిన 33 మందిని కరోనా పరీక్షలకు పంపించింది. ఫలితం వచ్చేవరకూ షూటింగ్‌ని నిలిపివేసింది. అయితే నేడు ఆ 33 మంది ఫలితం వచ్చేసింది. వారందరికీ నెగిటివ్ అని తేలడంతో టీవీ పరిశ్రమ ఊపిరి పీల్చుకుంది. ఇక మీదట షూటింగ్‌ను ప్రభుత్వ గైడ్ లైన్స్ ప్రకారం.. ఎవరికీ ఇబ్బంది కలగకుండా మరింత జాగ్రత్తగా జరపాలని టీవీ పరిశ్రమ నిర్ణయించింది.