ಮಾತಿಗೆ ಹೊರಟ ರಿಂಗ್ ಮಾಸ್ಟರ್
- IndiaGlitz, [Saturday,November 22 2014]
ಉಪ್ಪಿ ಎಂಟರ್ ಟೈನ್ ಮೆಂಟ್ ಲಾಂಛನದಲ್ಲಿ ಎ.ಜಿ.ಮಂಜುನಾಥ್,ನರಸಿಂಹಮೂರ್ತಿ,ಬಸವರಾಜು ಹಾಗೂ ಸತ್ಯನಾರಾಯಣ ಅವರು ನಿರ್ಮಿಸುತ್ತಿರುವ ಚಿತ್ರ ರಿಂಗ್ ಮಾಸ್ಟರ್ ಚಿತ್ರಕ್ಕೆ ಬಾಲಾಜಿ ಡಿಜಿಟಲ್ ಸ್ಟುಡಿಯೋದಲ್ಲಿ ಮಾತಿನ ಜೋಡಣೆ ನಡೆಯುತ್ತಿದೆ.
ರಿಂಗ್ ಮಾಸ್ಟರ್ ಎಂಬ ಶೀರ್ಷಿಕೆಯಿಂದ ಆರಂಭವಾದ ಈ ಚಿತ್ರಕ್ಕೆ ಭಂಗಿರಂಗ ಎಂಬ ಹೆಸರಿಡಲಾಗಿತು. ಈಗ ಮತ್ತೆ ಚಿತ್ರಕ್ಕೆ ರಿಂಗ್ ಮಾಸ್ಟರ್ ಎಂಬ ಶೀರ್ಷಿಕೆಯನ್ನೇ ಇಡಲಾಗಿದೆ ಎಂದು ನಿರ್ದೇಶಕರು ತಿಳಿಸಿದ್ದಾರೆ.
ವಿಶೃತ್ ನಾಯಕ್ ಕಥೆ,ಚಿತ್ರಕಥೆ ಬರೆದು ನಿರ್ದೇಶಿಸುತ್ತಿರುವ ಈ ಚಿತ್ರದ ನಾಯಕರಾಗಿ ಅರುಣ್ ಸಾಗರ್ ಅಭಿನಯಿಸುತ್ತಿದ್ದಾರೆ. ಅನುಶ್ರೀ,ಶೃಂಗ,ಶ್ವೇತ ಮುಂತಾದವರು ಈ ಚಿತ್ರದ ತಾರಾಬಳಗದಲ್ಲಿದ್ದಾರೆ. ರವಿ ಬಸ್ರೂರು ಸಂಗೀತ ನಿರ್ದೇಶನವಿರುವ ಈ ಚಿತ್ರಕ್ಕೆ ಸಿನಿಟೆಕ್ ಸೂರಿ ಅವರ ಛಾಯಾಗ್ರಹಣವಿದೆ. ಹರೀಶ್ ಸಂಕಲನ,ಅರುಣ್ ಸಾಗರ್ ಕಲಾ ನಿರ್ದೇಶನ,ಅಲ್ಟಿಮೆಟ್ ಶಿವು ಸಾಹಸ ನಿರ್ದೇಶನವಿರುವ ಈ ಚಿತ್ರದ ಹಾಡುಗಳನ್ನು ವಿಶೃತ್ ನಾಯಕ್ ಬರೆದಿದ್ದಾರೆ.