ಮಸ್ತ್ ಮೊಹಬ್ಬತ್ ಮೊದಲ ಹಂತ ಪೂರ್ಣ
- IndiaGlitz, [Friday,January 10 2014]
ಮಾನಸ ಮೂವೀಸ್ ಲಾಂಛನದಲ್ಲಿ ವಿ.ಶೇಖರ್ ಅವರು ನಿರ್ಮಿಸುತ್ತಿರುವ Âಮಸ್ತ್ ಮೊಹಬ್ಬತ್Â ಚಿತ್ರಕ್ಕೆ ಮೊದಲ ಹಂತದ ಚಿತ್ರೀಕರಣ ಮುಕ್ತಾಯವಾಗಿದೆ. ಮೈಸೂರು ಹಾಗೂ ಊಟಿಯಲ್ಲಿ ಹದಿನೆಂಟು ದಿನಗಳ ಚಿತ್ರೀಕರಣ ನಡೆದಿದೆ.
ಪ್ರೇಂ(ನೆನಪಿರಲಿ) ನಾಯಕರಾಗಿ ನಟಿಸುತ್ತಿರುವ ಈ ಚಿತ್ರದ ತಾರಾಬಳಗದಲ್ಲಿ ಪೂನಂ, ನವೀನ್Âಕೃಷ್ಣ, ರಾಜುತಾಳಿಕೋಟೆ, ಸಾಧುಕೋಕಿಲ, ಸ್ವಯಂವರ ಚಂದ್ರು, ಅಶ್ವಿನ್ ಮುಂತದವರಿದ್ದಾರೆ.
ಮೋಹನ್ ಮಾಳಗಿ ನಿರ್ದೆಶನದ ಈ ಚಿತ್ರಕ್ಕೆ ಮನೋಮೂರ್ತಿ ಸಂಗೀತ ನೀಡುತ್ತಿದ್ದಾರೆ. ವೇಣುಗೋಪಾಲ್ ಅವರು ಕಥೆ ಬರೆದರೆ ಮೋಹನ್Âಮಾಳಗಿ, ಗಿರೀಶ್ ಕಂಪ್ಲಾಪುರ್ ಹಾಗೂ ವೇಣುಗೋಪಾಲ್ ಮೂವರು ಸೇರಿ ಚಿತ್ರಕಥೆ ರಚಿಸಿದ್ದಾರೆ. ಗೌಸ್Âಫ಼ಿರ್ Âಮಸ್ತ್ ಮೊಹಬ್ಬತ್Â ಗೆ ಸಂಭಾಷಣೆ ಬರೆದಿದ್ದಾರೆ. ಜಯಂತಕಾಯ್ಕಿಣಿ ಹಾಗೂ ಕವಿರಾಜ್ ಗೀತರಚನೆ ಮಾಡಿದ್ದಾರೆ. ವಿಜಯ್.ಸಿ.ಕುಮಾರ್ ಅವರ ಛಾಯಾಗ್ರಹಣ, ಈಶ್ವರ್ ಸಂಕಲನ, ಮೋಹನ್ ಪಂಡಿತ್ ಕಲಾನಿರ್ದೇಶನ ಹಾಗೂ ಮನೋಮೂರ್ತಿ ಅವರ ಸಂಗೀತ ನಿರ್ದೇಶನವಿರುವ ಈ ಚಿತ್ರದ ಕಾರ್ಯಕಾರಿ ನಿರ್ಮಾಪಕರು ಮನು.