థియేటర్ల కొరత కారణంగా. సంక్రాంతి నుంచి విడుదలను వాయిదా వేసుకుంటున్నట్లుగా 'హార్ట్ ఎటాక్' సినిమా గురించి వార్తలు వినిపిస్తున్న సంగతి తెలిసిందే. పూరీ జగన్నాథ్ దర్శకత్వంలో 'ఇష్క్, గుండెజారి గల్లంతయ్యిందే' వంటి రెండు విజయాలతో ఊపు మీదున్న నితిన్ హీరోగా నటిస్తున్న ఈ సినిమాకి. ఇప్పుడు ఓ కొత్త తేది కుదిరిందని విశ్వసనీయ వర్గాలు పేర్కొంటున్నాయి.

ఇంతకీ ఆ తేది ఏమిటంటే. ప్రేమికులకు ప్రీతిపాత్రమైన వాలైంటెన్స్ డే (ఫిబ్రవరి 14). యాక్షన్ తో కూడుకున్న లవ్ స్టోరీగా తెరకెక్కుతున్న 'హార్ట్ ఎటాక్' దాదాపుగా చిత్రీకరణను పూర్తిచేసుకుంది. త్వరలోనే ఈ సినిమా ఆడియో విడుదల కానుంది. ఈ చిత్రం ద్వారా ఆదా శర్మ హీరోయిన్ గా పరిచయమవుతుండగా. అనూప్ రూబెన్స్ సంగీతమందిస్తున్నారు.

ఈ సినిమాతో తన కెరీర్ లోనే తొలిసారిగా హ్యాట్రిక్ హిట్ దొరుకుతుందన్న ఆశతో ఉన్నాడు నితిన్. అది నెరవేరుతుందో లేదో తెలియాలంటే. ప్రస్తుతం విడుదల తేదిగా చెప్పుకొస్తున్న ఫిబ్రవరి 14 వరకు వెయిట్ చేయాల్సిందే.