యూరప్ లో మెగాస్టార్ ఖైదీ నంబర్ 150 పాటల చిత్రీకరణ
Thursday, November 10, 2016 • తెలుగు
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
మెగాస్టార్ ఖైదీ నంబర్ 150 (బాస్ ఈజ్ బ్యాక్) జెట్‌స్పీడ్‌తో తెర‌కెక్కుతున్న సంగ‌తి తెలిసిందే. సంక్రాంతి రిలీజ్ కోసం డెడ్‌లైన్‌తో టీమ్ అహోరాత్రులు శ్ర‌మిస్తోంది. ఈ చిత్రంలో చిరంజీవి స‌ర‌స‌న కాజ‌ల్ క‌థానాయిక‌గా న‌టిస్తున్నారు. వి.వి.వినాయక్ దర్శకత్వం వహిస్తున్నారు. కొణిదెల ప్రొడక్షన్ కంపెనీ పతాకం పై ఈ భారీ చిత్రాన్ని మెగాపవర్‌స్టార్ రామ్‌చ‌ర‌ణ్ నిర్మిస్తున్నారు. బాస్ ఈజ్ బ్యాక్ .. అన్న ట్యాగ్‌లైన్‌కి త‌గ్గ‌ట్టే ఇప్ప‌టికే పోస్ట‌ర్లు యువ‌త‌రంలోకి దూసుకెళ్లిపోయాయి.
ఈ చిత్రానికి మెగాస్టార్ త‌న‌య సుష్మిత డిజైన్ చేసిన కాస్ట్యూమ్స్‌కి ప్ర‌త్యేక‌మైన గుర్తింపు ద‌క్కింది. మెగాస్టార్‌ని త‌న కెరీర్‌లోనే అత్యంత స్టైలిష్‌గా సుష్మిత డిజైన్స్ ఆవిష్క‌రించాయ‌న్న టాక్ వ‌చ్చింది. 2017 మోస్ట్ అవైటింగ్ మూవీగా ఖైదీ నంబర్ 150 గురించి ఇంటా బైటా చ‌ర్చ సాగుతోంది. ప్రీరిలీజ్ బిజినెస్‌లోనూ బాస్ అంతే స్పీడ్ చూపించ‌డం సౌత్ ఇండ‌స్ట్రీస్‌, ఓవ‌ర్సీస్‌లో హాట్ టాపిక్ అయ్యింది. ప్ర‌స్తుతం యూర‌ప్‌లో పాటల చిత్రీక‌ర‌ణ‌కు యూనిట్ రెడీ అవుతోంది.
ఈ సంద‌ర్భంగా రామ్‌చ‌ర‌ణ్ మాట్లాడుతూ...ఖైదీ నంబర్ 150 పాటల చిత్రీక‌ర‌ణ‌కు యూరప్ వెళుతున్నాం. స్లోవేనియా, క్రొయేషియా (సెంట్ర‌ల్ యూరప్) లాంటి అరుదైన దేశాల్లో రెండు పాట‌ల్ని తెర‌కెక్కించేందుకు అన్ని ఏర్పాట్లు చేసాం. జానీ మాష్టర్, శేఖ‌ర్ మాష్టర్ ఈ పాట‌ల‌కు కొరియోగ్ర‌ఫీ అందిస్తున్నారు. శ్రీ‌మ‌ణి సాహిత్యం అందించారు. అన్ని ప‌నులు పూర్తి చేసి, జ‌న‌వ‌రిలో సంక్రాంతి కానుక‌గా సినిమా రిలీజ్ చేస్తాం అన్నారు.
ఈ చిత్రంలో బాలీవుడ్ న‌టుడు త‌రుణ్ అరోరా విల‌న్ పాత్రలో న‌టిస్తున్నారు. ర‌త్న‌వేలు ఛాయాగ్ర‌హ‌ణం, దేవీశ్రీ ప్ర‌సాద్ సంగీతం అందిస్తున్నారు. జాతీయ అవార్డ్ గ్ర‌హీత తోట‌త‌ర‌ణి క‌ళాద‌ర్శ‌క‌త్వం వహిస్తున్నారు.
Follow @ Google News: గూగుల్ న్యూస్ పేజీలోని ఇండియాగ్లిట్జ్ తెలుగు వెబ్‌సైట్‌ను అనుసరించడానికి మరియు వెంటనే వార్తలను తెలుసుకోవడాని ఇక్కడ క్లిక్ చేయండి.
Follow
More News
Headlines
Comments