'అపరిచితుడు' వంటి హిట్ చిత్రం తరువాత కథానాయకుడు విక్రమ్, దర్శకుడు శంకర్ కాంబినేషన్ లో వస్తున్న చిత్రం 'మనోహరుడు'. ఎమీ జాక్సన్ హీరోయిన్ గా నటిస్తున్న ఈ చిత్రంలో మలయాళ నటుడు సురేష్ గోపి ఓ కీలక పాత్రలో నటిస్తున్నాడు.

ఎ.ఆర్.రెహమన్ సంగీతమందిస్తున్నాడు. తమిళంలో 'ఐ' పేరుతో రూపొందుతున్న ఈ చిత్రాన్ని తమిళ, తెలుగు భాషల్లో ఒకే రోజున ప్రేక్షకుల ముందుకు తీసుకురావడానికి సన్నాహాలు చేస్తున్నారు. ఇంతకీ ఆ తేది ఏమిటంటే.. తమిళ వారికి నూతన సంవత్సరం వచ్చే ఏప్రిల్ 14. ఆ రోజున ఈ సినిమాని ఇరుభాషల్లో భారీ ఎత్తున రిలీజ్ చేయడానికి సన్నాహాలు చేస్తున్నారట.

ఒలంపిక్స్ నేపథ్యంలో జరిగే సినిమాగా ఈ చిత్రం తెరకెక్కుతోందని.. అందులో భాగంగా ఏవో కెమికల్స్ కారణంగా ఫిజికల్ గా ఎన్నో మార్పులకు గురయ్యే పాత్రలో విక్రమ్ వేరియేషన్స్ తో కూడిన యాక్టింగ్ చేసారని తమిళనాట కథనాలు వస్తున్నాయి. అందుకే విక్రమ్ లుక్స్ కూడా ఢిపరెంట్ గా ఉన్నాయని చెప్పుకొస్తున్నారు. మరి ఈ మాటల్లో ఎంత నిజముందో రిలీజ్ వరకు ఆగాల్సిందే.