అక్కినేని కుటుంబానికి చెందిన మూడు తరాల నటులు అక్కినేని నాగేశ్వరరావు, నాగార్జున, నాగ చైతన్య ప్రధాన పాత్రల్లో నటిస్తున్న చిత్రం మనం. ఇష్క్ దర్శకుడు విక్రమ్ కుమార్ రూపొందిస్తున్న ఈ సినిమాలో శ్రియ, సమంత హీరోయిన్లుగా నటిస్తున్నారు. శుక్రవారం ఏఎన్నార్ 90వ జన్మదినం సందర్భంగా ఈ సినిమాకి సంబంధించిన ఫస్ట్ లుక్ ని ఈ రోజు (గురువారం) విడుదల చేశారు. చూడటానికి ముచ్చటగా ఉన్న ఈ ఫస్ట్ లుక్ కి మంచి స్పందన లభిస్తోంది.

ఇందులో నాగచైతన్య తాత పాత్రలో.. నాగార్జున తనకి కొడుకు పాత్రలో... ఏఎన్నార్ మనవడి పాత్రలో కనిపించబోతున్నారని ఆ స్టిల్ ని చూస్తే అర్థం చేసుకోవచ్చు. కాగా.. ఈ సినిమా 'ద క్యూరియస్ కేస్ ఆఫ్ బెంజిమన్ బటన్' అనే సినిమా స్ఫూర్తితో తెరకెక్కుతోందని వినిపిస్తోంది. అయితే అందులో ఎంతమేరకు నిజముందో సినిమా విడుదలయ్యాక గానీ తెలియదు. లేదంటే చిత్రయూనిట్ చెప్పాలి. ఏ సినిమా ఇన్ స్ఫిరేషన్ అయినా చూడటానికి ఆహ్లాదంగా ఉంటే చాలు.. మనం కచ్చితంగా హిట్ సినిమా అవుతుందనడంలో అతిశయోక్తి లేదు. ప్రస్తుతం ఫస్ట్ లుక్ మాత్రం ఫస్ట్ ఇన్ స్ఫిరేషన్ ఈజ్ బెస్ట్ ఇన్ స్ఫిరేషన్ అనేలా ఉంది.