கொரோனா வைரஸ் பாதிப்பு குறித்து தினமும் சுகாதாரத்துறை செயலாளர் பீலா ராஜேஷ் தெரிவித்து வரும் நிலையில் சற்றுமுன் இன்று தமிழகத்தில் மேலும் 31 பேர்களுக்கு கொரோனா வைரஸ் பாதிப்பு ஏற்பட்டுள்ளதாக தெரிவித்துள்ளார். இதனையடுத்து தமிழகத்தில் கொரோனா வைரஸால் பாதிக்கப்பட்டவர்களில் மொத்த எண்ணிக்கை 1204ஆக உயர்ந்துள்ளது. இன்று கொரோனாவால் பாதிக்கப்பட்டவர்களில் 21 பேர் டெல்லி மாநாட்டில் இருந்து திரும்பியவர்கள் என்பது குறிப்பிடத்தக்கது.

மேலும் தமிழகத்தில் வீட்டு கண்காணிப்பில் இருப்பவர்களின் எண்ணிக்கை 28,711 பேர் இருப்பதாகவும், அரசு கண்காணிப்பில் 135 பேர் இருப்பதாகவும், 28 நாட்கள் தனிமைப்படுத்துதலை முடித்தவர்கள் 88,529 பேர்கள் என்றும் இதுவரை பரிசோதனை செய்தவர்களின் எண்ணிக்கை 19,255 என்றும் சுகாதாரத்துறை செயலாளர் பீலா ராஜேஷ் தெரிவித்துள்ளார்.

நேற்று ஒரே நாளில் கொரோனா வைரஸ் 98 பேர்களை தாக்கிய நிலையில் இன்று மூன்றில் இரண்டு மடங்கு குறைந்துள்ளது தமிழக மக்களுக்கு பெரும் நிம்மதியை ஏற்படுத்தியுள்ளது.

#BREAKING சுகாதாரத்துறை செயலாளர் செய்தியாளர் சந்திப்பு https://t.co/lBuTntRdTw

— PuthiyathalaimuraiTV (@PTTVOnlineNews) April 14, 2020