కథానాయకుడు మహేష్ బాబు, దర్శకుడు శ్రీనువైట్ల కాంబినేషన్ లో వచ్చిన తొలి చిత్రం 'దూకుడు'. ఈ చిత్రం రికార్డు స్థాయి విజయాన్నే కాదు. పలు అవార్డులను సైతం కైవసం చేసుకుంది. ఇప్పుడు ఈ దర్శక హీరోల కాంబినేషన్ లో మరో చిత్రం రానుంది. 'ఆగడు' పేరుతో తెరకెక్కనున్న ఈ సినిమాలో తమన్నా హీరోయిన్ గా నటిస్తుండగా తమన్ సంగీతమందిస్తున్నాడు. 'ఆగడు'తో స్వరకర్త తమన్ 50 చిత్రాల మైలురాయిని చేరుకుంటున్నాడు.

ఇదిలా ఉంటే. ఈ చిత్రానికి సంబంధించిన రెగ్యులర్ షూటింగ్ ఈ రోజే (నవంబర్ 28) ప్రారంభమైంది. శరవేగంగా షూటింగ్ జరిపి. వేసవి కానుకగా సినిమాని విడుదల చేయాలన్న ఆలోచనలో చిత్రయూనిట్ ఉంది. 'దూకుడు' చిత్రాన్ని నిర్మించిన 14 రీల్స్ ఎంటర్ టైన్మెంట్ సంస్థనే 'ఆగడు' చిత్రాన్ని కూడా ప్రతిష్ఠాత్మకంగా తెరకెక్కిస్తోంది. యాక్షన్ ఎంటర్ టైనర్ గా ఈ సినిమా రూపొందనుందని వార్తలు వినిపిస్తున్నాయి.