తెలుగు సినీప‌రిశ్ర‌మ‌నే కాదు...భార‌తీయ సినీ పరిశ్ర‌మ‌నే కాదు...ప్ర‌పంచ వ్యాప్తంగా సంచ‌ల‌నం సృష్టించిన తెలుగు సినిమా బాహుబ‌లి. ఈ అద్భుత చిత్రాన్ని ద‌ర్శ‌క‌థీర రాజ‌మౌళి తెర‌కెక్కించారు. ప్ర‌భాస్, రానా, అనుష్క‌, త‌మ‌న్నా, ర‌మ్య‌కృష్ణ‌, స‌త్యరాజ్ త‌దిత‌రులు ముఖ్య‌పాత్రలు పోషించారు. అత్యంత భారీ బ‌డ్జెట్ తో రూపొందిన ఈ విజువ‌ల్ వండ‌ర్ ప్రారంభ‌మై నేటికీ స‌రిగ్గా మూడేళ్లు.

ఈ విష‌యాన్ని బాహుబ‌లి టీమ్ ట్విట్ట‌ర్ ద్వారా తెలియ‌చేస్తూ...మూడు సంవ‌త్స‌రాల క్రితం ఇదే రోజున బాహుబ‌లి షూటింగ్ ప్రారంభించాం. బాహుబ‌లి కోసం మాతో క‌లిసి ప్ర‌యాణం చేస్తున్న ప్ర‌తి ఒక్క‌రికీ థ్యాంక్స్ అంటూ మూడు సంవ‌త్స‌రాల క్రితం బాహుబ‌లి షూటింగ్ ప్రారంభ‌మైన రోజు ఫోటోల‌ను పోస్ట్ చేసారు. ప్ర‌స్తుతం బాహుబ‌లి 2 క్లైమాక్స్ ను చిత్రీక‌రిస్తున్నారు. 2017 స‌మ్మ‌ర్ లో బాహుబ‌లి 2 రిలీజ్ చేయ‌డానికి ప్లాన్ చేస్తున్నారు.