మూడు నెలలు.. ఐదు సినిమాలు..
- IndiaGlitz, [Wednesday,August 09 2017]
మ‌ణిశ‌ర్మ.. చిరంజీవి, బాల‌కృష్ణ, నాగార్జున, వెంక‌టేష్‌, ప‌వ‌న్ క‌ళ్యాణ్‌, మ‌హేష్ బాబు, ఎన్టీఆర్‌, ప్ర‌భాస్‌, రామ్‌చ‌ర‌ణ్‌, అల్లు అర్జున్‌, ర‌వితేజ ఇలా రెండు త‌రాల అగ్ర క‌థానాయ‌కులంద‌రి సినిమాల‌కు సంగీత‌మందించ‌డ‌మే కాకుండా.. వారి కాంబినేష‌న్‌లో విజ‌యాల‌ను అందుకున్న ఘ‌న‌త ఉంది. తన ఖాతాలో ప‌లు ఇండ‌స్ట్రీ హిట్స్‌ల‌ను సైతం జ‌మ చేసుకున్న మ‌ణి.. ఏడాదికి 8 కి పైగా సినిమాల‌తో బిజీగా ఉండేవాడు. అయితే.. గ‌త కొంత కాలంగా ఫామ్ కోల్పోయిన ఈ మెలోడీ బ్ర‌హ్మ ఇటీవ‌ల సినిమాల సంఖ్య త‌గ్గించాడు.
గతేడాది వ‌చ్చిన జెంటిల్‌మేన్‌తో పాట‌ల విష‌యంలోనూ, రీరికార్డింగ్ విష‌యంలోనూ తన స్థాయిని మ‌రోసారి చాటుకుంటున్నాడు మ‌ణిశ‌ర్మ. ఆ సినిమా త‌రువాత మ‌ళ్లీ జోరు చూపిస్తున్న ఈ రీరికార్డింగ్ స్పెష‌లిస్ట్‌.. ఈ ఏడాదిలో మూడు నెల‌ల కాలంలో ఐదు సినిమాల‌తో సంద‌డి చేశాడు. జూన్‌లో అమీ తుమీ, ఫ్యాష‌న్ డిజైన‌ర్‌, జ‌య‌దేవ్ చిత్రాల‌తోనూ.. జులైలో శ‌మంత‌క‌మ‌ణితోనూ సంద‌డి చేసిన మ‌ణి.. ఆగ‌స్టులో లైతో ప‌ల‌క‌రించ‌నున్నాడు. ఇప్ప‌టికే లై పాట‌లకు మంచి ఆదరణ ల‌భిస్తోంది. అలాగే ట్రైల‌ర్స్‌లో రీరికార్డింగ్‌కి స్పంద‌న బాగుంది. జూన్‌లో అమీతుమీ, జులైలో శ‌మంత‌క‌మ‌ణి చిత్రాల‌తో విజ‌యాల‌ను తన ఖాతాలో వేసుకున్న మ‌ణి.. ఆగ‌స్టులో లై తోనూ విజ‌యాల ప‌రంప‌ర‌ని కొన‌సాగించాల‌ని ఆశిద్దాం.