బిగ్‌బాస్ గ్రాండ్ ఫినాలేకు 3 ముద్దుగుమ్మలు.. లక్షల్లో రెమ్యునరేషన్..
- IndiaGlitz, [Tuesday,December 15 2020]
పెద్దగా అంచనాలేమీ లేకుండా స్టార్ట్ అయినప్పటికీ.. ఇప్పుడు మంచి రేటింగ్స్‌తో బిగ్‌బాస్ రియాలిటీ షో దూసుకుపోతోంది. పెద్దగా కంటెస్టెంట్లు ఎవరూ తెలియకపోవడంతో మొదట పెద్దగా ప్రేక్షకులు ఆసక్తి కనబరచలేదు. కానీ ఇప్పుడు బాగానే ఫాలో అవుతున్నారు. ఈ వారంతో బిగ్‌బాస్ సీజన్-4కి శుభం కార్డు పడనుంది. అయితే గ్రాండ్ ఫినాలేపై మాత్రం బాగా చర్చ జరుగుతుంది. గ్రాండ్ ఫినాలేకు రాబోయే అతిథి ఎవరు? అలరించబోయే సెలబ్రిటీలు ఎవరు? అనేది ఆసక్తికరంగా మారింది.
బిగ్‌బాస్ సీజన్-4కి నాగార్జున హోస్ట్‌గా వ్యవహరించిన విషయం తెలిసిందే. సీజన్-3కి కూడా ఆయనే హోస్ట్ అయినప్పటికీ.. సీజన్-4ను మరింత పర్ఫెక్షన్‌తో నాగ్ నడిపించారు. కాగా ఈ ఆదివారం అంటే ఈ నెల 20వ తేదీన గ్రాండ్ ఫినాలే జరగబోతోంది. ఈ గ్రాండ్ ఫినాలేను భారీగా నిర్వహించేందుకు ‘మా’ యాజమాన్యం ఏర్పాట్లు చేస్తోంది. ఈ ఫినాలేకు గెస్ట్‌గా మెగాస్టార్ చిరంజీవి, సూపర్ స్టార్ మహేష్ బాబు, యంగ్ టైగర్ ఎన్టీఆర్ పేర్లు బలంగా వినిపిస్తున్నాయి.
అయితే గ్రాండ్ ఫినాలేలో సందడి చేసే సెలబ్రిటీల పేర్లపై పెద్ద ఎత్తున చర్చ జరుగుతోంది. ఈ వేడుకలో కొందరు హాట్ హీరోయిన్లు డ్యాన్స్ పెర్ఫార్మెన్స్‌లతో అలరించనున్నారని టాక్ నడుస్తోంది. నివేదా పేతురాజ్, మెహ్రీన్, లక్ష్మీరాయ్ గ్లామరస్ పెర్ఫార్మెన్స్‌లతో కనువిందు చేయబోతున్నారని తెలుస్తోంది. ఈ పెర్ఫార్మెన్స్‌ల కోసం ఈ ముద్దుగుమ్మలు లక్షల్లో రెమ్యునరేషన్ తీసుకోబోతున్నారని టాక్ నడుస్తోంది. మొత్తానికి గ్రాండ్ ఫినాలే కోసం మా యాజమాన్యం ఓ రేంజ్‌లో ఖర్చు చేయబోతోందని తెలుస్తోంది.