గంట‌న్న‌ర‌లో మూడు కోట్లు
- IndiaGlitz, [Saturday,March 02 2019]
గంట‌న్నర‌కు మూడు కోట్ల రూపాయ‌లు అంటే ఎవ‌రికో మ‌న ద‌ర్శ‌క నిర్మాత‌లు ఇస్తున్న రెమ్యున‌రేష‌న్ మాత్రం కాదు. మ‌న దేశాన్ని కాపాడుతున్న సైనికుల కోసం మ‌నం ఇస్తున్న చిన్న మ‌ద్ధ‌తు. పూల్వామా దాడిలో అమ‌రులైన సైనికుల స్మ‌రించుకుంటూ 'భారత్ కే వీర్- ఏక్ షామ్ షహీదోం కా నామ్' పేరిట ఓ కార్య‌క్ర‌మం నిర్వ‌హించారు.
ఈ కార్య‌క్ర‌మంలో బాలీవుడ్ హీరో అక్ష‌య్‌కుమార్ ముఖ్య అతిథిగా హాజ‌ర‌య్యారు. గంట‌న్న‌ర పాటు జ‌రిగిన ఈ కార్య‌క్ర‌మంలో మూడు కోట్ల రూపాయ‌లు విరాళాలు వ‌చ్చాయి. 'ఓ గొప్ప కార్యానికి ఇస్తున్న ఈ విరాళాలు డ‌బ్బుగా కాదు.. ప్రేమ‌గా చూడాలి. మ‌న కోసం శ్రమిస్తున్న, ప్రాణాల‌ను త్యాగం చేస్తున్న వీరుల కోసం మ‌నం ఈ రూపంలో అయినా అండ‌గా నిల‌బ‌డాలి' అంటూ అక్ష‌య్ కుమార్ ఈ సంద‌ర్భంగా తెలిపారు.