14 வயது பள்ளிச்சிறுமிக்கு பாலியல் வன்கொடுமை: சினிமா குரூப் டான்சர்கள் 3 பேர் கைது!
- IndiaGlitz, [Monday,April 25 2022]
14 வயது பள்ளி சிறுமிக்கு பாலியல் வன்கொடுமை செய்த 3 சினிமா குரூப் டான்ஸர்கள் கைதுசெய்யப்பட்டுள்ளதாக வந்திருக்கும் தகவல் பெரும் அதிர்ச்சியை ஏற்படுத்தி உள்ளது
சென்னை அரும்பாக்கம் பகுதியில் உள்ள 14 வயது பள்ளிசிறுமிக்கு அதே பகுதியை சேர்ந்த ஜெயசூரியா என்பவருடன் பழக்கம் ஏற்பட்டுள்ளது. இந்நிலையில் தான் சினிமாவில் குரூப் டான்சராக இருப்பதாகவும் சிறுமியை காதலிப்பதாகவும் ஆசைவார்த்தை கூறிய ஜெயசூர்யா, அந்த சிறுமியை வெளியே அழைத்துச் சென்று அரும்பாக்கம் பகுதியில் உள்ள தனியார் தங்கும் விடுதியில் அறை எடுத்து தங்க வைத்துள்ளார்
இதனிடையே சிறுமியை காணவில்லை என அவரது தாயார் காவல் நிலையத்தில் புகார் அளித்த நிலையில் அரும்பாக்கம் போலீசார் சிறுமியை தேடிவந்தனர். இந்த நிலையில் அரும்பாக்கம் விடுதியில் இதுபோன்ற சிறுமியை சிலர் அழைத்து சென்றதாக ரகசிய தகவல் கிடைத்தது. இதனை அடுத்து அங்கு சென்ற போலீசார் திடீர் சோதனை செய்தபோது அங்கு காணாமல் போன பள்ளி சிறுமி பாலியல் வன்கொடுமைக்கு ஆளாக்கப்பட்டு சட்டவிரோதமாக விடுதி அறையில் அடைத்து வைத்து இருந்தது கண்டுபிடிக்கப்பட்டது
இதனை அடுத்து சிறுமியை மீட்ட போலீசார் ஜெயசூர்யா உள்பட 3 பேரை கைது செய்து அவர்கள் மீது போக்சோ சட்டத்தில் வழக்குப்பதிவு செய்துள்ளனர். கைது செய்யப்பட்ட மூவரும் சினிமா குரூப் டான்ஸர்கள் என்பது முதல்கட்ட விசாரணையில் தெரிய வந்துள்ளது.