இந்த ஆண்டு லேடி சூப்பர் ஸ்டார் நயன்தாரா நடித்த 'கோலமாவு கோகிலா மற்றும் 'இமைக்கா நொடிகள்' ஆகிய இரண்டு படங்கள் வெளிவந்து இரண்டும் நல்ல வெற்றியை பெற்றது. இந்த நிலையில் வரும் 2019ஆம் ஆண்டும் அவருக்கு வெற்றி ஆண்டாக இருக்கும் என கருதப்படுகிறது.

அஜித்துடன் நயன்தாரா நடித்த 'விஸ்வாசம்' திரைப்படம் வரும் ஜனவரி மாதம் பொங்கல் தினத்தில் வெளியாகவுள்ள நிலையில் அதே ஜனவரி மாதம் அவர் நடித்த இன்னொரு திரைப்படமான 'கொலையுதிர்க்காலம்' வெளியாகவுள்ளதாக சற்றுமுன் வெளியான இந்த படத்தின் செகண்ட் லுக்கில் அறிவிக்கப்பட்டுள்ளது. சரியான ரிலீஸ் தேதி குறித்த அறிவிப்பு சென்சாருக்கு பின் அறிவிக்கப்படும் என தெரிகிறது.

இளம் இசைஞானி யுவன்ஷங்கர் ராஜாவின் இசை மற்றும் தயாரிப்பில் உருவாகி வரும் 'கொலையுதிர்க்காலம்' திரைப்படத்தை சக்ரி டோலட்டி இயக்கியுள்ளார். இவர் கமல்ஹாசனின் 'உன்னை போல் ஒருவன்' படத்தை இயக்கியவர் என்பது குறிப்பிடத்தக்கது.