விஜய் ரசிகர்களுக்கு ஏமாற்றம் தரும் 'கத்தி'
- IndiaGlitz, [Sunday,October 05 2014]
தமிழ் திரையுலகில் ரஜினி படங்களை அடுத்த மாஸ் ஆன அறிமுகப்பாடலுடன் திரையில் அறிமுகமாவது விஜய் ஒருவர்தான் என்பது அனைவருக்கும் தெரிந்ததே. சமீபத்தில் வெளியான விஜய் படங்களில் இடம்பெற்ற அறிமுகப்பாடல்கள் அனைத்துமே சூப்பர் ஹிட் ஆன பாடல்கள்தான். ஆனால் விஜய் ரசிகர்களுக்கு ஏமாற்றம் தரும் தகவலாக 'கத்தி' படத்தில் விஜய்க்கு அறிமுக பாடலே இல்லை என்ற தகவல் தற்போது வெளிவந்துள்ளது.
'கத்தி' படத்தின் முதல் பாடல் ஹிப்ஹாப் தமிழா பாடிய 'பக்கம் வந்து கொஞ்சம் முத்தங்கள் தா"' என்ற பாடல்தான் என்றும் படக்குழுவினர் தெரிவித்துள்ளனர். ராப் பாடல் போல அமைந்திருக்கும் இந்த பாடல் விஜய்யின் மாஸ் அறிமுகப்பாடல்களுக்கு இணையாக இருக்குமா? என்பது படம் வெளிவந்த பின்னரே தெரியவரும்.
அனிருத்தின் இசையில் வெளியான கத்தி' பாடல்கள் அனைத்தும் சூப்பர் ஹிட் ஆனபோதிலும் விஜய்க்கு ஒரு மாஸான அறிமுகப்பாடல் வைத்திருந்தால் நன்றாக இருந்திருக்கும் என சமூக வலைத்தளங்களில் பல விஜய் ரசிகர்கள் கருத்து தெரிவித்து வருகின்றனர்.