ரிலீசுக்கு முன்பே 'ரெமோ' செய்த சிறப்பான சாதனை
- IndiaGlitz, [Sunday,October 02 2016]
சிவகார்த்திகேயன், கீர்த்தி சுரேஷ் நடித்த 'ரெமோ' திரைப்படம் வரும் 7ஆம் தேதி உலகம் முழுவதும் பிரமாண்டமாக ரீலீஸ் ஆகவுள்ளது.
இந்த படம் இதுவரை இல்லாத அளவில் மிகப்பெரிய எதிர்பார்ப்பினை ஏற்படுத்தியுள்ள சிவகார்த்திகேயன் படம் என்று கூறலாம். அதை நிரூபிப்பதுபோல் பல செய்திகள் வெளிவந்து கொண்டிருக்கின்றனர்.
ஜப்பான் நாட்டில் உள்ள Nagoyachaya என்ற நகரில் இதுவரை ரஜினி படம் மட்டுமே ரிலீஸ் ஆன நிலையில் தற்போது சிவகார்த்திகேயனின் 'ரெமோ'வும் ரிலீஸ் ஆகிறது.
அதேபோல் ஜெர்மனியில் 'ரெமோ' திரைப்படம் 15 திரையரங்குகளில் 17 காட்சிகளுக்கும் அதிகமாக திரையிடப்படவுள்ளது. தமிழ் படம் ஒன்று ஜெர்மனியில் அதிக காட்சிகள் திரையிடப்படுகிறது என்பது ரிலீசுக்கு முன்பே இந்த படம் செய்த சாதனையாக கருதப்படுகிறது.