சூர்யாவின் அறிமுகத்தை எழுதிய மதன்கார்க்கி
- IndiaGlitz, [Friday,November 14 2014]
சூர்யா, நயன் தாரா, எமி ஜாக்சன் நடித்து வரும் 'மாஸ்' படத்தை வெங்கட்பிரபு விறுவிறுப்புடன் இயக்கி வருகிறார். இந்த படத்திற்கு மதன் கார்க்கி ஏற்கனவே இரண்டு பாடல்கள் எழுதி முடித்திருக்கும் நிலையில் தற்போது கூடுதலாக இரண்டு பாடல்களை எழுதியுள்ளார். இதில் ஒன்று சூர்யாவின் அறிமுகப்பாடல் ஒன்றும், ரொமாண்டிக் டூயட் பாடல் ஒன்றும் ஆகும்.
மாஸ் படத்திற்கு பாடல் எழுதுவதோடு மட்டுமின்றி மதன்கார்க்கி இயக்குனர் வெங்கட்பிரபுவுடன் சேர்ந்து திரைக்கதை மற்றும் வசனம் அமைக்கும் பணியையும் செய்து வருகிறார். ஏற்கனவே இவர் எஸ்.எஸ்.ராஜமவுலியின் பாஹுபாலி படத்தின் தமிழ் வசனங்களை எழுதி வருகிறார் என்பதை நேற்று பார்த்தோம். தன்னை ஒரு பாடலாசிரியராக மட்டும் நிலைநிறுத்திக்கொள்ளாமல் வசனம் எழுதுவதிலும் மதன்கார்க்கி ஈடுபாட்டுடன் உள்ளார்.
வெங்கட்பிரபு இயக்கி வரும் மாஸ் படத்திற்கு அவருடைய ஆஸ்தான இசையமைப்பாளர் யுவன்ஷங்கர் ராஜா இசையமைத்து வருகிறார். சூர்யாவின் 2டி நிறுவனம் தயாரித்து வரும் இந்த படத்தில் பிரேம்ஜி அமரன், பார்த்திபன், ஜெயராம், சமுத்திரக்கனி, கருணாஸ் மற்றும் பலர் நடித்துள்ளனர். ஆர்.டி.ராஜசேகர் ஒளிப்பதிவும் பிரவீண் எடிட்டிங்கும் செய்கின்றனர்.