அடுத்த ஆண்டு ஆஸ்கார் விருதுக்காக 6 தமிழ் படங்கள் உள்பட மொத்தம் 29 திரைப்படங்கள் இந்திய திரைப்பட கூட்டமைப்பு பரிந்துரை செய்து அனுப்பிய நிலையில், அதிலிருந்து ஒரு படம் தேர்வாகியதாக தகவல் வெளியாகியுள்ளது. 6 தமிழ் படங்களில் ஒரு படமும் கூட தேர்வாகவில்லை என்பது தமிழ் ரசிகர்களுக்கு ஏமாற்றமாக அமைந்துள்ளது.

விஜய் சேதுபதி நடித்த "மகாராஜா," விக்ரம் நடித்த ""தங்கலான்," ," சூரி நடித்த "கொட்டுக்காளி," ராகவா லாரன்ஸ், எஸ். ஜே. சூர்யா நடித்த "ஜிகர்தண்டா டபுள் எக்ஸ்" மற்றும் "வாழை’, "ஜமா" ஆகிய ஆறு படங்கள் ஆஸ்கார் விருதுக்கு பரிந்துரை செய்யப்பட்டது.

மேலும், ஹிந்தியில் 12 படங்கள், தெலுங்கில் 6 படங்கள், மலையாளத்தில் 4 படங்கள், மராத்தியில் 3 படங்கள், ஒடியாவில் 1 படம் என மொத்தம் 29 படங்கள் ஆஸ்காருக்குப் பரிந்துரைக்கப்பட்ட நிலையில், இவற்றிலிருந்து "லாபட்டா லேடிஸ்" என்ற திரைப்படம், சிறந்த வெளிநாட்டு ஆஸ்கார் விருதுக்கு தேர்வு செய்யப்பட்டதாக இந்திய திரைப்பட கூட்டமைப்பு சற்றுமுன் அறிவித்துள்ளது.

இந்த ஆண்டு ஆஸ்கார் விருதுக்கு தமிழ் படமும் தேர்வாகாதது, தமிழ் ரசிகர்களிடம் அதிருப்தியை ஏற்படுத்தியுள்ளது.