கொரோனாவிற்கு சென்னையை சேர்ந்த இளம்பெண் பலி!
- IndiaGlitz, [Wednesday,April 29 2020]
தமிழகத்தில் இன்று கொரோனாவிற்கு 104 பேர் பாதிக்கப்பட்டனர் என்றும், அதில் 94 பேர் சென்னையை சேர்ந்தவர்கள் என்பதையும் ஏற்கனவே பார்த்தோம். இந்த நிலையில் இன்று தமிழகத்தில் கொரோனாவிற்கு இருவர் பலியாகியுள்ளனர். இதனையடுத்து தமிழகத்தில் கொரோனாவால் பலியானவர்களின் எண்ணிக்கை 27ஆக உயர்ந்துள்ளது.
சென்னை ராஜீவ் காந்தி மருத்துவமனையில் கொரோனாவால் பாதிக்கப்பட்டு சிகிச்சை பெற்று வந்த 65 வயது பெண் ஒருவர் இன்று சிகிச்சையின் பலனின்றி மரணம் அடைந்தார். அதேபோல் சென்னையை சேர்ந்த 27 வயது இளம்பெண் கொரோனாவால் பாதிக்கப்பட்டு சிகிச்சை பெற்று வந்த நிலையில் அவரும் சிகிச்சையின் பலனின்றி மரணம் அடைந்தார்.
கொரோனாவிற்கு சென்னையை சேர்ந்த இளம்பெண் ஒருவரும் பலியாகியுள்ளது பெரும் பரபரப்பை ஏற்படுத்தியுள்ளது.