27 ఏళ్ల తరువాత.. వెంకటేష్
- IndiaGlitz, [Wednesday,November 06 2013]
'సీతమ్మ వాకిట్లో సిరిమల్లె చెట్టు, షాడో' చిత్రాల తరువాత వెంకటేష్ కథానాయకుడిగా ఈ ఏడాదిలో వస్తున్న సినిమా 'మసాలా'. హిందీలో ఘన విజయం సాధించిన 'బోల్ బచ్చన్' ఆధారంగా ఈ సినిమా రీమేక్ అయింది. కె.విజయభాస్కర్ దర్శకత్వంలో రూపొందిన ఈ సినిమాలో రామ్, అంజలి, షాజన్ పదంసీ ఇతర ప్రధాన పాత్రల్లో నటించారు. తమన్ సంగీత మందించిన ఈ సినిమాని ఈ నెల 14న విడుదల చేయనున్నారు.
ఈ సినిమా విడుదలకి సంబంధించి ఓ విశేషమేమిటంటే.. 27 ఏళ్ల తరువాత వెంకటేష్ హీరోగా రూపొందిన సినిమా నవంబర్ నెలలో విడుదల కాబోతోంది. 1986లో వెంకటేష్ హీరోగా రూపొందిన రెండో చిత్రం 'బ్రహ్మరుద్రులు' నవంబర్ లో విడుదలైంది. మరల ఆ నెలలో వెంకటేష్ హీరోగా ఇప్పటి వరకు మరో సినిమా (అతిథి పాత్ర పోషించిన 'కృష్ణం వందే జగద్గురుం' రిలీజైంది నవంబర్ లోనే. ఇది మినహాయించుకుంటే..) రాలేదు.
విశేషమేమిటంటే.. 'బ్రహ్మరుద్రులు' ఏ తేదిన విడుదలైందో.. సరిగ్గా అదే తేదిన 'మసాలా' కూడా విడుదల కానుండడం. 'బ్రహ్మరుద్రులు' యావరేజ్ సినిమాగా పేరుతెచ్చుకుంది. మరి 'మసాలా' ఫలితం ఎలా ఉంటుందో చూడాలి.