டெல்லியின் ஜஹாங்கிர்புரி என்ற பகுதியில் ஒரே குடும்பத்தைச் சேர்ந்த 26 பேருக்கு கொரோனா பாதிப்பு உறுதி செய்யப்பட்டுள்ளதை அடுத்து அந்த குடும்பம் இருந்த ஏரியாவையே டெல்லி போலீசார் கட்டுப்படுத்தும் பகுதியாக அறிவித்துள்ளனர். இதனை டெல்லி முதல்வர் அரவிந்த் கெஜ்ரிவால் உறுதி செய்துள்ளார்.

ஏற்கனவே டெல்லியில் கொரோனா வைரஸால் பாதிக்கப்பட்டவர்களின் எண்ணிக்கை 1707ஆகவும், கொரோனாவால் 42 பேர் பலியாகியும் இருக்கும் நிலையில் நேற்று டெல்லி ஜஹாங்கிர்புரி பகுதியில் ஒரே குடும்பத்தை சேர்ந்த 26 பேருக்கு கொரோனா வைரஸ் பாதிப்பு இருப்பது கண்டுபிடிக்கப்பட்டுள்ளதால் பெரும் பதட்டம் ஏற்பட்டுள்ளது.

டெல்லியில் ஏற்கனவே 68 மண்டலங்கள் கொரோனாவால் அதிகம் பாதிக்கப்பட்ட பகுதிகளாக அறிவிக்கப்பட்டு நடவடிக்கை எடுக்கப்பட்டுள்ள நிலையில் தற்போது ஜஹாங்கிர்புரி மண்டலமும் 69வது மண்டலமாக இணைக்கப்பட்டுள்ளது. ஏற்கனவே நேற்று முன் கொரோனாவால் பாதிக்கப்பட்ட மண்டலங்களாக 8 மண்டலங்கள் இணைக்கப்பட்டன என்பது குறிப்பிடத்தக்கது