'24' టీజర్ రిలీజ్ లేటవుతుంది....
- IndiaGlitz, [Thursday,February 18 2016]
తమిళ హీరో సూర్య ప్రస్తుతం హీరోగా నటిస్తూ నిర్మాతగా మారి 2డి ఎంటర్ టైన్ మెంట్ బ్యానర్ పై రూపొందిస్తున్న చిత్రం 24'. విక్రమ్ కుమార్ దర్శకుడు. సమంత హీరోయిన్ గా నటిస్తంది. సైకలాజికల్ థ్రిల్లర్ గా రూరపొందుతోన్న ఈ చిత్రంలో సూర్య త్రిపుల్ రోల్ చేస్తున్నాడు.
ప్రస్తుతం ఈ చిత్రం నిర్మాణాంతర కార్యక్రమాలను జరుపుకుంటుంది. అన్నీ కార్యక్రమాలను పూర్తి చేసి సినిమాను తమిళ సంవత్సరాది కానుకగా ఏప్రిల్ 14న విడుదల చేద్దామని చిత్రయూనిట్ సన్నాహాలు చేస్తుంది. అయితే ఈ నెల 24న ఈ సినిమా టీజర్ విడుదలవుతుందని వార్తలు వినిపించాయి. నిజానికి చిత్రయూనిట్ టీజర్ విడుదలకు ప్లాన్ చేసినా వర్క్ ఇంకా పూర్తి కాలేదు. దాంతో ఇప్పుడు టీజర్ రిలీజ్ ను వాయిదా వేసుకున్నారు. సినిమా టీజర్ కోసం ఆసక్తిగా ఎదురుచూసిన అభిమానులకు నిరాశ తప్పలేదు.