தமிழகத்தில் இனி 24 நேரமும் கடை திறந்திருக்கும்: அரசாணை வெளியீடு
- IndiaGlitz, [Thursday,June 06 2019]
தமிழகத்தில் இனி இரவு, பகல் என பேதமின்றி 24 மணி நேரமும் கடைகள், தொழிற்சாலைகள் இயங்கும் என தமிழக அரசு அரசாணையை வெளியிட்டுள்ளது.
இதன்படி கடைகள், தொழிற்சாலைகள் அனைத்து நாட்களும் அதாவது வாரத்தின் ஏழு நாட்களும், 24 மணி நேரங்களும் இயங்க அனுமதிக்கப்பட்டுள்ளது. இரவில் பணிபுரியும் பெண் தொழிலாளர்களுக்கு அந்தந்த நிறுவனங்கள் பாதுகாப்பை உறுதி செய்ய வேண்டும் என்ற நிபந்தனையும் இந்த அரசாணையில் குறிப்பிடப்பட்டுள்ளது.
மேலும் ஒரு பணியாளரை எட்டு மணி நேரம் மட்டுமே வேலை வாங்க வேண்டும், சுழற்சி அடிப்படையில் வாரம் ஒருநாள் விடுமுறை அளிக்க வேண்டும், ஓவர்டைம் என்றால் அதிகபட்சம் 10.30 மணி நேரம் மட்டுமே வேலை வாங்க வேண்டும், பெண் பணியாளர்கள் இரவில் வீட்டுக்கு செல்ல வாகனங்கள் ஏற்பாடு செய்ய வேண்டும் போன்ற நிபந்தனைகளும் இந்த அரசாணையில் குறிப்பிடப்பட்டுள்ளது.
இந்த அரசாணையால் இனி 24 மணி நேரமும் திரையரங்குகளும் செயல்படும் என்பது குறிப்பிடத்தக்கது.