இன்றும் 200க்கும் மேல் தாண்டிய கொரோனா பாதிப்பு: சென்னையில் எத்தனை பேர்?
- IndiaGlitz, [Saturday,May 02 2020]
தமிழகத்தில் கடந்த சில நாட்களாக 100க்கும் அதிகமாகவும் நேற்று 200க்கும் அதிகமாகவும் கொரோனா பாதிப்பு இருந்த நிலையில் இன்று தமிழகத்தில் 231 பேர்களுக்கு புதியதாக கொரோனா தொற்று இருப்பதாக கண்டறியப்பட்டுள்ளது. இதனையடுத்து தமிழகத்தில் மொத்த பாதிப்பு எண்ணிக்கை 2757 ஆக உயர்ந்துள்ளது.
இன்று கொரோனா பாதித்த 231 பேர்களில் 174 பேர்கள் சென்னையை சேர்ந்தவர்கள் என்பதும் இதனையடுத்து சென்னையில் மொத்தம் கொரோனாவால் பாதிக்கப்பட்டவர்களின் எண்ணிக்கை 1257ஆக உயர்ந்துள்ளது என்பதும் குறிப்பிடத்தக்கது. சென்னையை அடுத்து அரியலூரில் 18 பேர்களும், காஞ்சிபுரத்தில் 13 பேர்களும், திருவள்ளூரில் 7 பேர்களும், செங்கல்பட்டில் 5 பேர்களும், கடலூரி, நீலகிரி, ராமநாதபுரம், விழுப்புரம் ஆகிய மாவட்டங்களில் தலா இருவரும், கோவை, மதுரை, ராணிப்பேட்டை மற்றும் தேனி ஆகிய பகுதிகளில் தலா ஒருவரும் இன்று கொரோனாவால் பாதிக்கப்பட்டுள்ளனர்.
மேலும் தமிழகத்தில் இன்று கொரோனா பாதித்த 29 பேர் குணமடைந்துள்ளதால் மாநிலத்தில் இதுவரை குணமடைந்தவர்கள் எண்ணிக்கை 1,341 ஆக உயர்ந்துள்ளது என்பது குறிப்பிடத்தக்கது. மேலும் தமிழகத்தில் இன்று 10,049 பேர்களுக்கு கொரோனா பரிசோதனை செய்யப்பட்டுள்ளது. இதனையடுத்து தமிழகத்தில் மொத்தம் 1,30,132 பேர்களுக்கு பரிசோதனை செய்யப்பட்டுள்ளது.