తెలంగాణలో కొత్తగా 2256 కేసులు...
- IndiaGlitz, [Saturday,August 08 2020]
తెలంగాణలో కరోనా విజృంభణ కొనసాగుతోంది. తెలంగాణ కరోనా హెల్త్ బులిటెన్‌ను వైద్య ఆరోగ్యశాఖ విడుదల చేసింది. తెలంగాణలో గడిచిన 24 గంటల్లో కొత్తగా 2,256 కరోనా కేసులు నమోదయ్యాయి. దీంతో ఇప్పటి వరకూ మొత్తం కేసుల సంఖ్య 77,513కు చేరుకుంది. గడిచిన 24 గంటల్లో కరోనాతో 14 మంది మృతి చెందగా.. ఇప్పటి వరకూ మొత్తంగా 615 మంది మృతి చెందారు. ప్రస్తుతం తెలంగాణలో 22,568 యాక్టివ్ కేసులున్నాయి.
ఇప్పటి వరకూ కరోనా నుంచి కోలుకుని 54,330 మంది డిశ్చార్జ్ అయ్యారు. కాగా.. జీహెచ్ఎంసీ పరిధిలో 464, రంగారెడ్డి 181, వరంగల్ అర్బన్ 187, మేడ్చల్ 138, కరీంనగర్ 101, గద్వాల్‌ 95, సంగారెడ్డి 92, పెద్దపల్లి 84, కామారెడ్డి 76 కేసులు నమోదయ్యాయి. ఇప్పటివరకు తెలంగాణలో 5,90,306 కరోనా టెస్టులు నిర్వహించినట్టు తెలంగాణ వైద్య ఆరోగ్యశాఖ వెల్లడించింది.