இது 2000 ரூபாய் நோட்டா? ஜீரோ ரூபாய் நோட்டா? அதிர்ச்சி தகவல்
- IndiaGlitz, [Saturday,November 19 2016]
பிரதமரால் செல்லாது என்று அறிவிக்கப்பட்ட ரூ.500 மற்றும் ரூ.1000 நோட்டுக்களை கடந்த பத்து நாட்களாக பொதுமக்கள் கால்கடுக்க வரிசையில் நின்று மாற்றி வருகின்றனர். ஒருசிலர் வரிசையில் நிற்க பொறுமையில்லாமல் பழைய நோட்டுக்களை வங்கி கணக்கில் செலுத்திவிட்டு புதிய ரூபாய் நோட்டுக்களை ஏ.டி.எம்.களில் எடுத்து வருகின்றனர்.
இந்நிலையில் இன்று மும்பையில் உள்ள ஒரு ஏடிஎம்-இல் ரூ.2000 பணம் எடுத்த ஒருவருக்கு பெரும் அதிர்ச்சி காத்திருந்தது. அவருக்கு வந்த ரூ.2000 நோட்டில் 2 என்ற எண்ணே இல்லை. வெறும் 00 என்று இருந்தது. ஒரு நோட்டில் அந்த ஜீரோ கூட இல்லை. வெற்றிடமாக இருந்தது. இதை பார்த்து அவர் இது 2000 ரூபாய் நோட்டா? அல்லது ஜீரோ ரூபாய் நோட்டா? என்று கேட்டது பரிதாபமாக இருந்தது.
ரூ.2000 நோட்டு அவசரகதியில் அச்சடிக்கப்படுவதால் ஒருசில நோட்டுக்கள் சரியாக அச்சாகாமல் அரைகுறையாக அச்சடிக்கபட்டுள்ளதாகவும், இந்த பிரச்சனை சில புதிய 500 ரூபாய் நோட்டுகளிலும் இருப்பதாகவும் தகவல்கள் வெளிவந்துள்ளது. எனவே ஏடிஎம்களில் பணம் எடுக்கும் அன்பர்கள் அதில் 2000 என்று பிரிண்ட் ஆகியிருக்கின்றதா? என்பதை உறுதி செய்து கொள்ளுங்கள்