உலக நாயகன் கமல்ஹாசன் பிரபல தனியார் தொலைக்காட்சி ஒன்றில் 'பிக்பாஸ்' நிகழ்ச்சியின் தமிழ் வடிவத்தை நடத்தவுள்ளார் என்ற அதிகாரபூர்வ செய்தியை ஏற்கனவே பார்த்தோம் இந்நிலையில் இந்த நிகழ்ச்சியில் கமல்ஹாசனுடன் கலந்து கொள்ள இருக்கும் விஐபிகள் குறித்த தகவல்கள் தற்போது வெளிவந்துள்ளது.

வரும் ஜூன் 18ஆம் தேதி முதல் ஒளிபரப்பாகும் இந்த நிகழ்ச்சிக்காக சென்னை அருகேயுள்ள ஈபிவி தீம் பார்க்கில் வீடு ஒன்று தயாராகி உள்ளது. இந்த நிகழ்ச்சியில் 15 விஐபிக்கள் கலந்து கொள்ள உள்ளதாகவும் அவர்கள் இரண்டு அரசியல்வாதிகள், இரண்டு கிரிக்கெட் பிரபலங்கள் என்றும் செய்திகள் வெளிவந்துள்ளது. இந்த நிகழ்ச்சியில் கலந்து கொள்பவர்களின் பெயர்கள் மிக விரைவில் அறிவிக்கப்படவுள்ளது.

100 நாட்கள் எந்தவித வெளியுலக தொடர்பு இல்லாமல் இந்த வீட்டில் விஐபிக்கள் தங்க வைக்கப்பட உள்ளனர். இதற்காக அமைக்கப்பட்டுள்ள வீடு, இந்தி 'பிக்பாஸ்' நிகழ்ச்சிக்காக அமைக்கப்பட்ட வீட்டை விட பெரியது என்பதும் குறிப்பிடத்தக்கது. இந்தியில் சல்மான்கான் நடத்திய 'பிக் பாஸ்' நிகழ்ச்சியை விட சிறப்பாக கமல்ஹாசன் தமிழில் நடத்துவார் என்று எதிர்பார்க்கப்படுகிறது.