2.0 எமிஜாக்சனின் புதிய போஸ்டரை ரிலீஸ் செய்த ஷங்கர்
- IndiaGlitz, [Wednesday,October 11 2017]
சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கர் இயக்கி வரும் '2.0' படத்தின் பெரும்பாலான காட்சிகளின் படப்பிடிப்பு முடிந்துவிட்ட நிலையில் மீதமிருக்கும் ஒரே ஒரு பாடலின் படப்பிடிப்பு இன்று மும்பையில் தொடங்கவுள்ளதாக வெளிவந்த செய்தியினை நேற்று பார்த்தோம்
இந்த நிலையில் இந்த தகவலை இயக்குனர் ஷங்கர் இன்று தனது சமூக வலைத்தளத்தில் உறுதி செய்தது மட்டுமின்றி எமிஜாக்சனின் புதிய போஸ்டர் ஒன்றையும் வெளியிட்டுள்ளார். அட்டகாசமான எமிஜாக்சனின் ரோபோ வடிவ தோற்றம் அனைவரையும் கவர்ந்துள்ளது. இன்று தொடங்கும் பாடலின் படப்பிடிப்பு இன்னும் ஒருசில நாட்களில் முடிந்துவிடும் என்று கூறப்படுகிறது.
மேலும் வரும் 26ஆம் தேதி துபாயில் இந்த படத்தின் இசை வெளியீட்டு விழா நடைபெறவுள்ளது. அதனையடுத்து நவம்பர் 22ஆம் தேதி டீசரும், டிசம்பர் 12ஆம் தேதி ரஜினி பிறந்த நாளில் டிரைலரும் வெளியாகவுள்ளது. இந்த படம் உலகம் முழுவதும் 2018ஆம் ஆண்டு ஜனவரி 25ஆம் தேதி வெளியாகிறது.