రజనీకాంత్-అక్షయ్‌కుమార్‌-శంకర్ కాంబినేషన్ లో లైకా ప్రొడక్షన్స్ బ్యానర్ పై అత్యంత ప్రతిష్టాత్మకంగా రూపుదిద్దుకుంటున్న చిత్రం 2.0. ఎమీజాక్సన్‌ హీరోయిన్ గా నటిస్తోంది. ఆస్కార్‌ విజేత ఏఆర్‌ రెహ్మాన్‌ స్వరాలు సమకూరుస్తున్నారు. ఈ చిత్రానికి సంబందించిన ఆడియో ని ఈ నెల 27న దుబాయ్‌లో భారీ ఎత్తున రిలీజ్ చేయనున్నారు.

ప్రపంచ ప్రసిద్ధ 7 స్టార్‌ హోటల్‌ బుర్జ్‌ దుబాయ్‌లో ఈ చిత్రం ఆడియో ని చాలా గ్రాండ్‌గా నిర్వహించేందుకు లైకా ప్రొడక్షన్స్ సంస్థ భారీ ఏర్పాట్లు చేస్తోంది. అయితే ఈ ఆడియో వేడుకకు సంబందించిన హైలెట్స్‌ను చిత్ర బృందం విడుదల చేసింది.

• వేడుకకు ముఖ్య అతిథిగా దుబాయ్‌ రాజు
• 2.0` చిత్రంలోని ఒక పాటకి రెహ్మాన్‌ లైవ్‌ కంపోజింగ్‌.
• 125 సింఫొనీ కళాకారులతో కలిసి ఏఆర్‌ రెహ్మాన్‌ సంగీత విభావరి.
• బాస్కో డ్యాన్స్‌ బృందం ఆటపాటా...
• బుర్జ్‌ దుబాయ్‌ పార్కు హోటల్‌లో సినిమా ఆడియో వేడుకకు దుబాయ్‌ ప్రభుత్వం అనుమతివ్వడం ఇదే తొలిసారి.
• 12వేల మంది ఈ వేడుకను ఉచితంగా తిలకించవచ్చట.
• దుబాయ్‌లోని పెద్ద పెద్ద మాల్స్‌లో భారీ ఎల్‌ఈడీ స్ర్కీన్లు ఏర్పాటుచేసి, ఆడియో వేడుక ప్రత్యక్ష ప్రసారం.
• ఆడియో ముందు రోజు జరిగే ప్రెస్ మీట్ కు అంతర్జాతీయ మీడియా హాజరు కానుంది.