నిర్మాత‌కు, రానా మ‌ధ్య బ‌య‌ట‌ప‌డ్డ విభేదాలు
- IndiaGlitz, [Monday,October 28 2019]
విల‌క్ష‌ణ న‌ట‌న‌తో ఇండియ‌న్ యాక్ట‌ర్‌గా పేరు సంపాదించుకున్న అతి కొద్ది మంది ద‌క్షిణాది న‌టుల్లో రానా ద‌గ్గుబాటి ఒక‌రు. నేటి తరానికి చెందిన రానా, భాష‌ల‌తో సంబంధం లేకుండా సినిమాలు చేసుకుంటూ త‌న మార్కెట్‌ను పెంచుకుంటూ వ‌స్తున్నాడు. అయితే గ‌త కొంత‌కాలంగా రానా సినిమాల‌కు దూరంగా ఉంటున్నాడు. అందుకు ఆయ‌న అనారోగ్య‌మే కార‌ణ‌మ‌ని అంద‌రూ చెబుతున్నారు. ఈ విష‌యాల‌ను ప‌క్క‌న పెడితే, రానా ఏడాదికి ముందు రెండో ప్ర‌పంచ యుద్ధ నేప‌థ్యంలో సాగే సైనికుడు ప్రేమ‌క‌థా చిత్రం '1945'లో న‌టిస్తున్న‌ట్లు తెలియ‌జేసిన సంగ‌తి తెలిసిందే. అయితే మ‌ళ్లీ ఎలాంటి స‌మాచారం లేదు. అయితే దీపావ‌ళి సంద‌ర్భంగా ద‌ర్శ‌కుడు శివ‌కుమార్ సినిమా ఫస్ట్ లుక్‌ను విడుదల చేసి మూడేళ్ల త‌ర్వాత త‌మ సినిమా పూర్త‌య్యిందంటూ లుక్‌తో పాటు మెసేజ్‌ను ట్వీట్ చేశాడు.
ఈ ట్వీట్ రానా స్పందిస్తూ ''నేను సినిమాను పూర్తి చేయ‌నేలేదు. నేను ఆ ద‌ర్శ‌క నిర్మాతల‌ను క‌లుసుకుని ఏడాది దాటుతుంది. రెమ్యున‌రేష‌న్స్ విష‌యంలో తేడా వ‌చ్చింది. డ‌బ్బు కోసం నిర్మాత చేస్తున్న ప్ర‌య‌త్నం. ఎవ‌రు న‌మ్మ‌కండి'' అంటూ మెసేజ్ చేశాడు. దీనిపై నిర్మాత కూడా ఘాటుగా స్పందించాడు. ''60రోజుల పాటు షూటింగ్.. కోట్ల రూపాయ‌ల ఖ‌ర్చు పెట్టాం. అయినా సినిమా పూర్త‌య్యిందా? లేదా? అని డైరెక్ట‌ర్ మాత్ర‌మే చెప్ప‌గ‌ల‌డు'' అంటూ మెసేజ్ పెట్టాడు. మ‌రి వ్య‌వ‌హారం ఎక్క‌డ‌కు చేరుతుందో తెలియాలంటే కొన్ని రోజులు ఆగాల్సిందే.