18 எம்.எல்.ஏக்கள் வழக்கு: 3வது நீதிபதியின் அதிரடி தீர்ப்பு
- IndiaGlitz, [Thursday,October 25 2018]
சபாநாயகரால் தகுதி நீக்கம் செய்யப்பட்ட 18 எம்.எல்.ஏக்களின் வழக்கின் தீர்ப்பு சில நிமிடங்களுக்கு முன் வாசிக்கப்பட்டது.
இந்த தீர்ப்பில் 18 எம்.எல்.ஏ-க்களை தகுதி நீக்கம் செய்து சபாநாயகர் தனபால் பிறப்பித்த உத்தரவு செல்லும் என்று கூறப்பட்டுள்ளது. தினகரன் ஆதரவு எம்.எல்.ஏ-க்கள் தொடர்ந்த வழக்கில் 3-வது நீதிபதி சத்தியநாராயணன் இவ்வாறு தீர்ப்பு அளித்துள்ளதால் தற்போதைய அதிமுக ஆட்சிக்கு எந்தவித பிரச்சனையும் இல்லை. இருப்பினும் 18 எம்.எல்.ஏக்கள் சார்பில் சுப்ரீம் கோர்ட்டில் அப்பீல் செய்யப்பட வாய்ப்பு உள்ளது.
18 எம்எல்ஏக்கள் தகுதிநீக்க வழக்கில் சபாநாயகரின் உத்தரவு செல்லும் என்றும் சபாநாயகர் முடிவில் தவறு இல்லை என்றும் தகுதிநீக்கம் சட்டவிரோதமானது இல்லை என்றும் நீதிபதி எம்.சத்தியநாராயணன் அளித்துள்ள இந்த தீர்ப்பை அதிமுக தலைவர்கள் வரவேற்றுள்ளனர்.