வேலூர் பகுதியைச் சேர்ந்த 17 வயது இளம்பெண் ஒருவரை ஒரே நேரத்தில் இரண்டு பேர் காதலித்ததாகவும் இருவரும் தங்களை தன்னைத்தான் திருமணம் செய்ய வேண்டும் என்று அந்த இளம் பெண்ணை கட்டாயப்படுத்தியதாகவும், இந்த காதல் கடைசியில் கொலையில் முடிந்துள்ளதாகவும் வெளிவந்த செய்தி பெரும் பரபரப்பை ஏற்படுத்தி உள்ளது

வேலூரை அடுத்த அரியூர்க்குப்பம் என்ற பகுதியைச் சேர்ந்த நிவேதா பிளஸ் டூ முடித்துவிட்டு ஒரு தனியார் மருத்துவமனையில் வேலை பார்த்து வந்தார். அதே மருத்துவமனையில் பணிபுரியும் உதவியாளர் ஒருவர் ஒருவருடன் பழக்கம் ஏற்பட்டு உள்ளதாக தெரிகிறது. இந்த நிலையில் நிவேதாவுடன் கேண்டீனில் வேலை பார்த்த இன்னொரு இளைஞரும் நிவேதிதாவை விரும்பியிருக்கிறார்.

இருவரும் ஒரே நேரத்தில் நிவேதாவை விரும்பியதை அடுத்து இருவரும் தன்னைத்தான் திருமணம் செய்ய வேண்டும் என நிவேதாவுக்கு நெருக்கடி கொடுத்துள்ளதாக தெரிகிறது. இந்த நிலையில் கடந்த 14ஆம் தேதி நிவேதா திடீரென காணாமல் போனார். இதுகுறித்து அவரது பெற்றோர்கள் காவல் நிலையத்தில் புகார் அளித்த நிலையில் வழக்குப்பதிவு செய்து போலீசார் நிவேதாவை தேடிவந்தனர்

இந்த நிலையில் நேற்று அதே பகுதியில் உள்ள கல்குவாரி ஒன்றில் இளம்பெண் ஒருவர் சடலமாக இருக்கும் தகவல் போலீசாருக்கு கிடைத்தது. அந்த இளம் பெண்ணின் உடலில் உள்ள அடையாளங்களை வைத்து பார்க்கும்போது இறந்தது நிவேதா தான் என்பது உறுதி செய்யப்பட்டது

பின்னர் இதுகுறித்த விசாரணையில் ஒரே நேரத்தில் இருவரும் நிவேதாவை காதலித்ததால் அந்த இருவரில் ஒருவர் இந்த கல்குவாரியில் தள்ளிவிட்டு கொலை செய்திருக்கலாம் என்று போலீசாருக்கு சந்தேகம் எழுந்துள்ளது. இதனையடுத்து போலீசார் வழக்குப்பதிவு செய்து மருத்துவமனையில் உள்ள சிசிடிவி கேமராக்களை ஆய்வு செய்து விசாரணை நடத்தி வருகின்றனர். நிவேதாவின் போஸ்ட்மார்ட்டம் ரிப்போர்ட் வந்த பிறகே அடுத்த கட்ட நடவடிக்கை எடுக்கப்படும் என போலிசார் தெரிவித்துள்ளனர்