தமிழகத்தில் ஒவ்வொரு நாளும் கொரோனா வைரஸ் பாதிப்புகளின் எண்ணிக்கை உச்சமாகி புதிய சாதனை படைத்து வரும் நிலையில் இன்றும் இதுவரை இல்லாத வகையில் அதிக பாதிப்பு ஏற்பட்டுள்ளது. ஒரேநாளில் அதிகபட்ச கொரோனா பாதிப்பு இன்றுதான் என்பது குறிப்பிடத்தக்கது

தமிழகத்தில் இன்று ஒரே நாளில் 1562 பேருக்கு கொரோனா வைரஸ் தொற்று உறுதியாகியுள்ளது என்றும் சென்னையில் மட்டும் கடந்த 24 மணி நேரத்தில் 1149 பேருக்கு வைரஸ் பாதிப்பு உறுதியாகியுள்ளது என்றும் சுகாதாரத்துறை சற்றுமுன் உறுதி செய்துள்ளது. இதனையடுத்து தமிழகத்தில் இதுவரை கொரோனா தொற்றால் 33,229 பேர் பாதிப்பு அடைந்துள்ளனர் என்பதும், சென்னையில்  23298 பேர் பாதிப்பு அடைந்துள்ளனர் என்பதும் குறிப்பிடத்தக்கது

மேலும் இன்று கொரோனாவில் இருந்து குணமானோர் எண்ணிக்கை 528 என்பதும், இதனையடுத்து கொரோனாவில் இருந்து குணமானவர்களின் மொத்த எண்ணிக்கை 17527 என்பதும் குறிப்பிடத்தக்கது. மேலும் இன்று கொரோனாவுக்கு 17 பேர்கள் பலியாகியுள்ளதால் பலியானோர் மொத்த எண்ணிக்கை 286 ஆக உயர்ந்துள்ளது. மேலும் இன்று 14,982 பேர்களுக்கு கொரோனா பரிசோதனை செய்யப்பட்டுள்ளது என்பதும் இதுவரை மொத்தம் 607,952 பேர்களுக்கு கொரோனா பரிசோதனை செய்யப்பட்டுள்ளது என்பதும் குறிப்பிடத்தக்கது