கடலூர் மாவட்டத்தில் திருமணமான 29 வயது பெண்ணை நடுவழியில் மறித்து பாலியல் பலாத்காரம் செய்ய முயன்றதாக 15 வயது சிறுவன் கைது செய்யப்பட்டு உள்ளது பெரும் பரபரப்பை ஏற்படுத்தி உள்ளது.

கடலூர் மாவட்டத்தைச் சேர்ந்த திட்டகுடி என்ற பகுதியைச் சேர்ந்த 29 வயது பெண் திருமணம் ஆனவர். இவர் இயற்கை உபாதையை கழிக்க காட்டுப் பகுதிக்குச் சென்றபோது திடீரென வழிமறித்த 15 வயது சிறுவன் அவரிடம் தவறாக நடக்க முயற்சித்துள்ளதாக தெரிகிறது. இதனால் அதிர்ச்சி அடைந்த அந்த பெண் அலறி கூச்சலிட்டபடி அந்த சிறுவனிடம் இருந்து தப்பி தனது கணவரிடம் கூறியுள்ளார்.

இதனை அடுத்து அந்தப் பெண் கணவருடன் காவல் நிலையத்துக்குச் சென்று சிறுவன் மீது புகார் அளித்துள்ளார். இந்த புகாரின் அடிப்படையில் அந்த சிறுவனை அழைத்து விசாரணை செய்த போலீசார் திருமணமான 29 வயது பெண்ணை அந்த சிறுவன் பாலியல் பலாத்காரம் செய்ய முயன்றது உண்மை என்பதை கண்டறிந்தனர்.

இதனை அடுத்து சிறுவனை கைது செய்த போலீசார் நீதிமன்றத்தில் ஆஜர்படுத்தினர். அதன்பின் சிறுவன் சிறுவர் சீர்திருத்த பள்ளியில் அடைக்கப்பட்டார். 29 வயது திருமணமான பெண்ணை 15 வயது சிறுவன் பாலியல் பலாத்காரம் செய்ய முயன்ற சம்பவம் கடலூர் அருகே பெரும் பரபரப்பை ஏற்படுத்தியுள்ளது.