யூடியூபில் பிரபலமாக இருக்கும் பரிதாபங்கள் உள்ளிட்ட 15 சேனல்கள் திடீரென முடக்கப்பட்டது பெரும் பரபரப்பை ஏற்படுத்தி உள்ளது.

பரிதாபங்கள், நக்சலைட் உள்ளிட்ட 15 சேனல்கள் அரசியல் நையாண்டிம் நகைச்சுவை வீடியோக்களை வெளியிட்டு வந்தன என்பதும் அவ்வப்போது இந்த வீடியோக்கள் ட்ரெண்டிங்கில் இருந்தன என்பதும் குறிப்பிடத்தக்கது.

இந்த நிலையில் பரிதாபங்கள் லைட்ஹவுஸ், அர்பன் நக்கலைட்ஸ், பரிதாபங்கள், நக்கலைட்ஸ், சென்னை மீம்ஸ் உள்ளிட்ட 15 சேனல்கள் திடீரென மர்ம நபர்களால் ஹேக் செய்யப்பட்டு உள்ளதாகவும் நேற்று நள்ளிரவு முதல் இந்த சேனல்கள் முடக்கப்பட்டு உள்ளதாகவும் தகவல்கள் வெளிவந்துள்ளன. இதில் குக் வித் கோமாளி’ கனியின் சேனலும் ஒன்று என்பது குறிப்பிடத்தக்கது.

முடக்கப்பட்ட அனைத்து சேனல்களிலும் கிரிப்டோகரன்சி தொடர்பான விளம்பரங்கள் வெளியாகி வருவதாகவும் இந்த சேனல்களை மீட்டெடுக்க நடவடிக்கை எடுக்கப்பட்டு வருவதாகவும் தகவல்கள் வெளியாகியுள்ளன. தமிழின் முன்னணி 15 யூடியூப் சேனல்கள் திடீரென முடக்கப்பட்டது இணையவாசிகளுக்கு பெரும் அதிர்ச்சியை ஏற்படுத்தி உள்ளது.