சென்னை சர்வதேச திரைப்பட விழாவில் ஜெயலலிதாவின் படங்கள்
- IndiaGlitz, [Wednesday,December 28 2016]
சென்னை சர்வதேச திரைப்பட விழா இந்த மாதம் 15 முதல் 22ம் தேதி வரை நடத்த திட்டமிடப்பட்டிருந்து. ஆனால் தமிழக முதல்வர் ஜெயலலிதாவின் மறைவினை அடுத்து இந்த விழா ஒத்தி வைக்கப்பட்டு வரும் ஜனவரி 5 முதல் 12ம் தேதி வரை நடைபெறவுள்ளது.
இந்நிலையில் இந்த விழாவில் மறைந்த முதல்வர் ஜெயலலிதாவிற்கு அஞ்சலி செலுத்தும் வகையில் அவர் புரட்சி தலைவர் எம்.ஜி.ஆருடன் நடித்த அடிமைப்பெண்', மற்றும் ஆயிரத்தில் ஒருவன்' ஆகிய இரண்டு திரைப்படங்களையும் சிறப்பு திரைப்படங்களாக திரையிட விழாக்குழுவினர் முடிவு செய்துள்ளனர். இதுகுறித்த முறையான அறிவிப்பு வெளிவந்துள்ளது.
ஏற்கனவே இந்த விழாவில் '24, அம்மா கணக்கு, தேவி, தர்மதுரை, இறைவி, ஜோக்கர், கர்மா, நானும் ரௌடி தான், பசங்க-2, ரூபாய், சில சமயங்களில், உறியடி' ஆகிய 12 தமிழ்ப்படங்கள் திரையிடப்பட உள்ளன என்பது குறிப்பிடத்தக்கது.