சென்னை வேளச்சேரியில் ஒரே குடும்பத்தை சேர்ந்த 14 பேருக்கு கொரோனா தொற்று உறுதி செய்யப்பட்டுள்ளது பெரும் பரபரப்பை ஏற்படுத்தியுள்ளது.

தமிழகத்தில் குறிப்பாக சென்னை மற்றும் அதன் சுற்றுப்பகுதியில் நாளுக்கு நாள் கொரோனா வைரஸ் பரவலின் எண்ணிக்கை அதிகமாகி கொண்டே வருகிறது. இதுவரை சென்னையில் மட்டும் 2008 பேர் கொரோனாவினால் பாதிக்கப்பட்டுள்ளனர்.

இந்த நிலையில் சென்னை வேளச்சேரியில் ஒரே குடும்பத்தை சேர்ந்த 14 பேருக்கு கொரோனா தொற்று உறுதி செய்யப்பட்டுள்ளது. இந்த தகவல் வேளச்சேரி பகுதியில் பெரும் அதிர்ச்சியை ஏற்படுத்தியுள்ளது. கொரோனாவால் பாதிக்கப்பட்ட 14 பேர்களும் தனிமைப்படுத்தப்பட்டு சிகிச்சை பெற்று வருவதாகவும், இந்த குடும்பத்தினர்களுடன் தொடர்பில் இருந்தவர்களையும் தங்களை தாங்களே தனிமைப்படுத்தி கொள்ள அறிவுறுத்தப்பட்டுள்ளதாகவும் செய்திகள் வெளியாகியுள்ளது.