11న 'ఇంద్రుడు' ఆడియో
- IndiaGlitz, [Sunday,March 23 2014]
యూ టివి మోషన్ పిక్చర్స్, విశాల్ ఫిల్మ్ ఫ్యాక్టరీ సంయుక్తంగా తెరకెక్కిస్తున్న సినిమా 'ఇంద్రుడు'. విశాల్, లక్ష్మీమీనన్ హీరోహీరోయిన్స్. తమిళంలో 'నాన్ సిగప్పు మనిదన్' అనే పేరుతో తెరకెక్కుతున్న ఈ సినిమా తెలుగులో ఇంద్రుడు విడుదలకు సిద్ధమవుతుంది.
సిద్ధార్థ్ రాయ్ కపూర్, విశాల్ నిర్మాతలు. తిరు దర్శకుడు. జి.వి.ప్రకాష్ సంగీతం అందిస్తున్న ఈ సినిమాని వేసవికి తెలుగులో విడుదల చేయాలని చిత్ర యూనిట్ భావిస్తోంది. 'పందెంకోడి', 'పొగరు', 'భరణి' తర్వాత తెలుగులో విశాల్ ఎన్ని ప్రయత్నాలు చేసినా ఆశించిన స్థాయిలో విజయాన్ని అందుకోలేక పోతున్నాడు.
ఇటీవల విశాల్ హీరోగా తెలుగులో విడుదలైన అనువాద చిత్రం 'పల్నాడు' మన నెటివిటికి దగ్గరగా లేకపోవడంతో విజయం సాధించలేకపోయింది. ఈ సినిమాలో విశాల్ ఓ మానసిక రోగంతో బాధపడే యువకుడు పాత్రలో కనిపించనున్నాడు. ఈ సినిమా కచ్చితంగా హిట్ కొ్ట్టాలని యూనివర్సల్ కాన్సెప్ట్ తో ముందుకువస్తున్నాడు.
ఈ సినిమా ఆడియోను ఈ ఏప్రిల్ 11న విడుదల చేయడానికి చిత్ర యూనిట్ సన్నాహాలు చేస్తుంది. మరి ఈ సినిమాతో విశాల్ తెలుగులో మరోసారి తన సత్తా చూపిస్తాడేమో తెలియాలంటే ఎదురు చూడాల్సిందే.
Watch 'Indrudu' Trailers