ரஜினி-கமல் கலந்து கொள்ளவிருந்த நிகழ்ச்சி திடீர் ரத்து
- IndiaGlitz, [Saturday,May 26 2018]
சூப்பர் ஸ்டார் ரஜினிகாந்த், உலக நாயகன் கமல்ஹாசன் ஆகியோர் கலந்து கொள்வார்கள் என்று எதிர்பார்க்கப்பட்ட 'விஜய் விருது விழா' நிகழ்ச்சி இன்று நடத்த திட்டமிடப்பட்டிருந்த நிலையில் இந்த நிகழ்ச்சி திடீரென ரத்து செய்யப்பட்டது
விஜய் டிவியின் விஜய் விருது வழங்கும் விழா இன்று சென்னை நேரு ஸ்டேடியத்தில் நடத்த திட்டமிடப்பட்டிருந்தது. காஜல் அகர்வால், சாயிஷா, அஞ்சலி உள்பட பலர் இந்த நிகழ்ச்சியில் நடனமாடவும் ஏற்பாடு செய்யப்பட்டிருந்தது. இதற்காக பிரமாண்டமான செட், அதிரவைக்கும் லைட்டிங் ஆகிய பணிகள் பெரும் பொருட்செலவில் முடிவடைந்து நிகழ்ச்சி நடத்த தயார் நிலையில் உள்ளது.
இந்த நிலையில் இந்த நிகழ்ச்சியை ரத்து செய்ய விஜய் டிவி நிர்வாகம் முடிவு செய்துள்ளதாக தகவல்கள் வெளிவந்துள்ளது. தூத்துகுடி துப்பாக்கி சூடு சம்பவத்தில் 13 அப்பாவிகள் மரணம் அடைந்த துக்க நிகழ்வு ஒட்டுமொத்த தமிழர்களையும் நிலைகுலைய செய்துள்ள நிலையில் இந்த நிகழ்ச்சி ரத்து செய்யப்பட்டதாக தெரிய வந்துள்ளது. இன்னொரு தேதியில் இந்த நிகழ்ச்சி நடைபெறுமா? என்பது குறித்த தகவல் இதுவரை வெளிவரவில்லை.