பொள்ளாச்சி பாலியல் விவகாரம், கோவை சிறுமி விவகாரம் உள்பட பல சம்பவங்கள் பள்ளி, கல்லூரி மாணவிகளின் பாலியல் பலாத்காரம் சம்பந்தமான செய்திகள் வெளிவந்து கொண்டிருக்கும் நிலையில் இதுபோன்ற குற்றவாளிகளுக்கு கடுமையான தண்டனை தரவேண்டும் என்ற கோரிக்கை எழுந்து வரும் நிலையில் தற்போதைய சூழலுக்கு ஏற்ற வகையில் சரியான படமாக '100' திரைப்படம் இருக்கும் என கருதப்படுகிறது

பள்ளி மாணவிகளை கடத்தி பாலியல் பலாத்காரம் செய்யும் குற்றவாளிகளை பிடிக்கும் போலீஸ் கதை என்பது டீசரில் இருந்து தெரிகிறது. அதர்வா போலீஸ் கேரக்டரில் பொருத்தமாகவும் கேரக்டரை மெருகேற்ற விரைப்பாகவும் உள்ளார். 'பொண்ணுங்க மேல கைய வச்சாலே ஒவ்வொருத்தருக்கும் செத்துருவோம்ங்கிற பயம் வரணும் சார்' என்ற அதர்வாவின் வசனம் தான் இந்த படத்தின் கதையாக இருக்கும்

'100' என்ற எண் எவ்வளவு முக்கியமானது, ஆபத்து காலத்தில் இந்த எண்ணை எத்தனை பேர் பயன்படுத்துகிறோம் என்பதை அனைவரும் புரிந்து கொள்ளும் படமாக இருந்த படம் இருக்கும் என கருதப்படுகிறது

அதர்வா, ஹன்சிகா நடிப்பில் உருவாகியிருக்கும் இந்த படத்தை சாம் ஆண்டன் இயக்கியுள்ளார். சாம் சிஎஸ் இசையில் உருவாகியுள்ள இந்த படம் விரைவில் வெளியாகவுள்ளது