యాంగ్రీ స్టార్ రాజశేఖర్ నటించిన ‘గరుడవేగ’ చిత్రంలోని ఐటమ్ సాంగ్ ‘డియో డియో డిసక డిసక’ గురించి ప్రత్యేకించి చెప్పనక్కర్లేదు. ఈ సాంగ్‌లో శృంగార సుందరి సన్నీలియోన్ ఆడిపాడింది. ఐటెమ్ సాంగ్ అంటే ఇంతవరకూ తెలుగులోనే ఎవరో ఒకర్ని వెతికిపట్టుకునే రోజులు పోయాయ్.. అందుకే బాలీవుడ్ బ్యూటీని పట్టుకొచ్చి ఆమెచేత అంద చందాలు ఆరబోయించారు. సినిమా రిలీజ్ కాకమునుపే ఈ సాంగ్ యూట్యూబ్‌ను షేక్ చేసింది. అయితే తాజాగా.. ఏకంగా వంద మిలియన్ వ్యూస్‌ని కొల్లగొట్టిందంటే సాంగ్‌, సన్నీకున్న క్రేజ్ ఏ రేంజ్‌లో ఉందో అర్ధం చేసుకోవచ్చు.

సన్నీ అంటేనే ఏ సాంగ్‌ అయినా సూపర్ డూపర్ హిట్టయిపోతుంది. ఆమె నర్తించిన సాంగ్‌ కోసమే జనాలు థియేటర్స్‌కు వెళ్తుంటారంటే శృంగార తారకున్న రేంజ్ అర్థం చేసుకోవచ్చు. ఒక్క మాటలో చెప్పాలంటే రసిక ప్రియులకు ఆమె ఓ శృంగార దేవత. ఎంతమంది శృంగార నటీమణులు ఉన్నా.. సన్నీ రేంజ్‌, క్రేజే వేరు. బాలీవుడ్‌తో పాటు టాలీవుడ్‌లోనూ మెరుస్తోంది.

కాగా.. ఈ డియో డియోకు భాస్కరభట్ల లిరిక్స్ అందించగా.. భీమ్స్ ఈ పాటకి మంచి బాణీలను అందించాడు. ఇక గీతామాధురి మరో సారి తన గాత్రంతో వారెవ్వా.. అనిపించేలా చేసింది. ఈ సాంగ్ రిలీజ్ 2017 డిసెంబర్‌లో రిలీజ్ అయినప్పటికీ ఇప్పటికీ యూ ట్యూబ్‌లో మిలియన్స్ వ్యూస్ సంపాదించుకుంది. కాగా ఇప్టపి వరకూ 101,038,795 వ్యూస్ సంపాదించుకుంది. కామెంట్స్ అయితే వేల కొద్ది వచ్చిపడ్డాయ్.