தமிழ் சினிமாவுலகில் ஒவ்வொரு ஆண்டும் அதிக படங்களை ரிலீஸ் செய்து வரும் நடிகரும் இசையமைப்பாளருமான ஜிவி பிரகாஷ் நடித்த 'நாச்சியார்', 'செம' ஆகிய திரைப்படங்கள் ஏற்கனவே இந்த ஆண்டு வெளியாகிவிட்டது. மேலும் அடுத்த வாரம் ஜிவி பிரகாஷ் நடித்த 'சர்வம் தாளமயம்' வெளியாக வாய்ப்பு இருப்பதாக கூறப்படுகிறது.

இந்த நிலையில் ஜிவி பிரகாஷ் நடித்த இன்னொரு படமான '100% காதல்' திரைப்படத்தின் படப்பிடிப்பு மற்றும் போஸ்ட் புரடொக்சன்ஸ் பணிகள் முடிவடைந்து தற்போது ரிலீசுக்கும் தயாராகிவிட்டது. இந்த நிலையில் இன்று இந்த படம் சென்சாருக்கு சென்றது. சென்சார் அதிகாரிகள் இந்த படத்தை பார்த்து 'யு' சான்றிதழ் அளித்துள்ளனர்.

இந்த படத்தில் ஜிவி பிரகாஷ், ஷாலினி பாண்டே, நாசர், ஜெயசித்ரா, ரேகா, மனோபாலா, தலைவாசல் விஜய் உள்பட பலர் நடித்துள்ளனர். ஜிவி பிரகாஷ் இசையில் காசி விஸ்வநாதன் படத்தொகுப்பில் கணேஷ் ராஜவேலு ஒளிப்பதிவில் உருவாகியுள்ள இந்த படத்தை எம்.எம்.சந்திரமெளலி இயக்கியுள்ளார். இந்த படம் வரும் பிப்ரவரியில் காதலர் தினத்தில் வெளியாகவுள்ளதாக அறிவிக்கப்பட்டுள்ளது.