தமிழகத்தில் வரும் 6 ஆம் தேதி வாக்குப்பதிவு நடைபெற இருக்கிறது. இந்நிலையில் தமிழகம் முழுவதும் தீவிரத் தேர்தல் பிரச்சாரம் நடைபெற்று வருகிறது. அதிலும் அதிமுக முதல்வர் வேட்பாளராக களம் இறங்கியுள்ள எடப்பாடி பழனிசாமி அவர்கள் ஒரே நாளில் 10 க்கும் மேற்பட்ட பிரச்சாரக் கூட்டங்களில் கலந்து கொண்டு மக்களை நேரடியாகச் சந்தித்து வாக்கு சேகரித்து வருகிறார். இதனால் அவரைப் பார்த்து பொதுமக்களுக்கும் வியப்பை வெளிப்படுத்தி வருகின்றனர்.

மேலும் எடப்பாடி பழனிசாமி அவர்கள் தொகுதி வாரியாக வேட்பாளர்களுடன் சென்று அதிமுக அரசு செய்த நலத்திட்டங்களை மக்கள் மத்தியில் எடுத்துக்கூறி வருகிறார். இதில் அதிமுக வாக்காளர்களுக்கு மட்டும் அல்லாது கூட்டணி கட்சி வேட்பாளர்களுக்காகவும் எடப்பாடி பழனிசாமி வாக்குச் சேகரிக்க துவங்கியுள்ளார்.

கடும் வெளியில் என்று பாராமல் மக்களை நேரில் சந்திப்பது மக்கள் மத்தியில் பெரும் வரவேற்பை பெற்றுள்ளது. மேலும் தேர்தலுக்கு குறைவான நாட்களே உள்ள நிலையில் தினமும் சுமார் 10 க்கும் மேற்பட்ட பிரச்சாரக் கூட்டங்களில் கலந்து கொண்டால் மட்டுமே அனைத்துத் தொகுதி மக்களையும் சந்திக்க முடியும் எனும் நிலைமை இருந்து வருகிறது. இதனால் ஒரு பிரச்சாரக் கூட்டத்தையும் தவறவிடாத எடப்பாடி பழனிசாமி அனைத்துக் கூட்டங்களில் நேரடியாக மக்களைச் சந்தித்து தனக்கே உரிய பாணியில் வாக்கு சேகரித்து வருகிறார்.

மேலும் அதிமுகவின் இத்தேர்தல் உத்தி மக்கள் இருக்கும் இடத்தை நேடியாகத் தேடி சென்று அதிக கூட்டங்களில் கலந்து கொள்ள வேண்டும் என்பதை பின்பற்றி வருகிறது. இதற்கு மாறாக சில கட்சிகள் பெரிய கூட்டங்களை சேகரித்து மக்களுக்கு சிரமத்தை ஏற்படுத்தி வருகின்றன. ஆனால் எடப்பாடி பழனிசாமி இத்தேர்தல் உத்தியை கடைப்பிடிப்பதில்லை என்பதும் குறிப்பிடத்தக்கது.