మెగా ప‌వ‌ర్ స్టార్ రామ్ చ‌ర‌ణ్ న‌టిస్తున్న లేటెస్ట్ మూవీ ధృవ‌. స్టైలీష్ డైరెక్ట‌ర్ సురేంద‌ర్ రెడ్డి ఈ చిత్రాన్ని తెర‌కెక్కిస్తున్నారు. ఈ చిత్రంలో రామ్ చ‌ర‌ణ్ స‌ర‌స‌న ర‌కుల్ ప్రీత్ సింగ్ న‌టిస్తుంది. గీతా ఆర్ట్స్ బ్యానర్ పై అల్లు రామ‌లింగ‌య్య స‌మ‌ర్ప‌ణ‌లో అల్లు అర‌వింద్, ఎన్.వి.ప్ర‌సాద్ సంయుక్తంగా ఈ చిత్రాన్ని నిర్మిస్తున్నారు. త‌ని ఓరువ‌న్ రీమేక్ గా రూపొందుతున్న ధృవ టీజ‌ర్ ను ద‌స‌రా కానుక‌గా రిలీజ్ చేసారు. ఈ టీజ‌ర్ 24 గంట‌ల్లో 1 మిలియ‌న్ వ్యూస్ క్రాస్ చేసి రికార్డ్ క్రియేట్ చేసింది.

ఈ చిత్రంలో రామ్ చ‌ర‌ణ్ ప‌వ‌ర్ ఫుల్ పోలీస్ అధికారిగా న‌టిస్తున్నారు. నీ స్నేహితుడు ఎవ‌రో తెలిస్తే...నీ క్యారెక్ట‌ర్ తెలుస్తుంది. నీ శ‌త్రువు ఎవ‌రో తెలిస్తే నీ కెపాసిటీ తెలుస్తుంది అంటూ రామ్ చ‌ర‌ణ్ వాయిస్ తో ఉన్న టీజ‌ర్ చాలా స్టైలీష్ గా ఉంది. అభిమానుల‌ను ఈ టీజ‌ర్ ఎంత‌గానో ఆక‌ట్టుకుంటుంది. చ‌ర‌ణ్ లుక్స్ & స్టైల్ చూస్తుంటే... పోలీస్ క్యారెక్ట‌ర్ కోసం చ‌ర‌ణ్ ఎంత హార్డ్ వ‌ర్క్ చేసాడో తెలుస్తుంది. పి.ఎస్.వినోద్ సినిమాటోగ్ర‌ఫీ వ‌ర్క్ ప్ర‌తి ఫేమ్ లో కనిపిస్తుంది. ఇక‌ హిప్ హాప్ అందించిన బ్యాగ్రౌండ్ స్కోర్ అయితే అదిరింది. ధృవ చిత్రాన్ని డిసెంబ‌ర్ లో రిలీజ్ చేయ‌డానికి ప్లాన్ చేస్తున్నారు. మ‌రి...ధృవ టీజ‌ర్ తో 1 మిలియ‌న్ వ్యూస్ క్రాస్ చేసి సెన్సేష‌న్ క్రియేట్ చేసిన చ‌ర‌ణ్ సినిమాతో ఎలాంటి సెన్సేష‌న్ క్రియేట్ చేస్తాడో చూడాలి..!